సోమవతి అమావాస్యను పురస్కరించికొని ప్రత్యేక పూజలు

తెలంగాణవార్త కొండపాక :- మర్పడగ క్షేత్రంలో సోమవతీ అమావాస్య కొండపాక మండలం మర్పడగ గ్రామంలోని శ్రీ విజయదుర్గా సమేత సంతాన మల్లికార్జున స్వామి క్షేత్రంలో సోమవారంనాడు సోమవతీ అమావాస్యను పురస్కరించుకుని మహిళలు ప్రత్యేక పూజలు నిర్వహించారు క్షేత్రం నిర్వాహకులు హరినాథశర్మ ఆధ్వర్యంలో ఉదయం 9 గంటలకు గణపతి పూజతో కార్యక్రమం ప్రారంభం అయింది.క్షేత్రం ఆవరణలోని రావిచెట్టు వద్ద శివపార్వతుల విగ్రహాలకు ప్రత్యేక పూజలు చేశారు సోమవారం అమావాస్య కలిసి రావడం విశేషమైన పర్వదినమని క్షేత్ర నిర్వాహకులు సిహెచ్ హరినాథశర్మ అన్నారు.సోమవతీ అమావాస్య రోజున చేసే జపం,తప,దానములు విశేష ఫలితాలనిస్తాయని చెప్పారు.ముఖ్యంగా మహిళలు ఈ వ్రతాన్ని ఆచరించడం వల్ల సత్సంతాన ప్రాప్తి సౌభాగ్యం చేకూరుతాయని తెలిపారు.అనంతరం భక్తులకు అన్నప్రసాద వితరణ చేశారు కార్యక్రమంలో క్షేత్ర నిర్వహణా కమిటీ సభ్యులు సిల్వేరు శ్రీనివాస్ మర్యాల రవీందర్ నేతి సురేశ్ తదితరులు అధిక సంఖ్యలో పాల్గొని విజయవంతం చేసారు