వికలాంగులు భువనగిరి ఆర్ డి ఓ ఆఫీస్ ముందు నిరాహార దీక్ష

భువనగిరి 30 నవంబర్ 2024 తెలంగాణవార్త రిపోర్టర్:- ప్రభుత్వం ఇచ్చిన 6000 రూపాయలు పెన్షన్ హామీని వెంటనే నెరవేర్చాలి!రాష్ట్ర అధ్యక్షులు కే వెంకట్ డిమాండ్.డి ఏ ఓకి వినతి పత్రం అందజేశారు.వికలాంగుల పెన్షన్ 6000లకు పెంచాలని, పెండింగ్లో ఉన్న ఆసరా పెన్షన్స్ మంజూరు చేయాలని ఈరోజు ఆర్టీవో కార్యాలయం ముందు దీక్ష చేపట్టడం జరిగింది.ఈ కార్యక్రమానికి ఎన్టీఆర్ రాష్ట్ర అధ్యక్షులు ముఖ్యఅతిథిగా హాజరై మాట్లాడుతూ..అసెంబ్లీ ఎన్నికల్లో కాంగ్రెస్ పార్టీ అధికారంలోకి వస్తే వికలాంగుల పెన్షన్ 6000లకు పెంచుతామని, వృద్ధులు, వితంతువుల పెన్షన్ 4000లకు పెంచుతామని హామీ ఇచ్చినారని, అధికారంలోకి వచ్చి 11నెలలు దాటినా ఎందుకు అమలు చేయడం లేదని అన్నారు.పెన్షన్ పెంచకుండా రాష్ట్ర ప్రభుత్వం కాలయాపన చేయడం ఎంత వరకు సమంజసమని ప్రశ్నించారు.పెన్షన్ పెంపు కోసం 44 లక్షల మంది ఆసరా లబ్ధిదారులు, కొత్త పెన్షన్స్ మంజూరు కోసం 24.85 లక్షల మంది ఎదురుచూస్తున్నారని అన్నారు.ఉద్యోగ నియామకాల్లో శరీరక వికలాంగుల రోస్టర్ 10 లోపు తగ్గించాలని డిమాండ్ చేశారు. తీవ్ర వైకాల్యం కలిగిన వికలాంగులకు 25,000 ప్రత్యేక అలావెన్స్ ఇవ్వాలని డిమాండ్ చేశారు.ప్రభుత్వ శాఖల్లో ఖాళీగా ఉన్న వికలాంగుల బ్యాక్ లాగ్ పోస్టులను గుర్తించి, వాటి భర్తీ కోసం ప్రత్యేక నోటిఫికేషన్ విడుదల చేయాలని డిమాండ్ చేశారు.వికలాంగులకు ఉచిత బస్ ప్రయాణం సౌకర్యం ఎందుకు కల్పించడం లేదని ప్రశ్నించారు. వికలాంగుల చట్టాలు అమలు చేయాలని డిమాండ్ చేశారు.జిల్లా కేంద్రాల్లో నిరుద్యోగ వికలాంగులకు స్వయం ఉపాధి కోసం ప్రత్యేక శిక్షణ కేంద్రాలు ఏర్పాటు చేయాలని డిమాండ్ చేశారు. నామినేటెడ్ పదవుల్లో రిజర్వేషన్ అమలు చేయడానికి అసెంబ్లీలో చట్టం చేయూలని డిమాండ్ చేశారు. వికలాంగుల సంక్షేమనికి బడ్జెట్ లో 5శాతం నిధులు కేటాయించాలని డిమాండ్ చేశారు,సదరం సర్టిఫికెట్స్ రిజెక్ట్ అయినా వారికి సర్టిఫికెట్స్ పునరుద్దరించాలని. 2016 వికలాంగుల హక్కుల పరిరక్షణ చట్టంతో పాటు నేషనల్ ట్రస్ట్, నేషనల్ పాలసీ, 2017 మెంటల్ హెల్త్ కేర్ చట్టాలను పటిష్టంగా అమలు చేయాలని డిమాండ్ చేశారు.ఈ కార్యక్రమంలో జిల్లా అధ్యక్షులు స్వరూపంగ ప్రకాష్ ప్రధాన కార్యదర్శి వనం ఉపేందర్ వర్కింగ్ ప్రెసిడెంట్ బొల్లెపల్లి స్వామి జిల్లా కోశాధికారి కొత్త లలిత భువనగిరి డివిజన్ కార్యదర్శి గడ్డం యాదగిరి అధ్యక్షులు కొండాపురం మనోహర ఆలేరు నియోజకవర్గ అధ్యక్షులు కొలనుపాక నాగయ్య భువనగిరి మండల అధ్యక్షులు కేతావత్ మురళి మండల నాయకులు శ్రీహరి,కొండాపురం యాదగిరి, రేణుక తదితరులు పాల్గొన్నారు.