మత్తుపారుదలపై విద్యార్థులకు అవగాహన సదస్సు సీఐ 

నాగారం జూలై 18: మత్తు పదార్థాలైన గంజాయి కోకాయిన్ హెరాయిన్ లాంటి మత్తు పదార్థాల వల్ల కలిగే నష్టాలపై సిఐ రఘువీర్ రెడ్డి గురువారం మండల పరిధిలోని మోడల్ స్కూల్ లో విద్యార్థులకు అవగాహన కార్యక్రమం ఏర్పాటు చేశారు. ఈ సందర్భంగా ఆయన మాట్లాడుతూ విద్యార్థులు చెడు వ్యసనాలకు దూరంగా ఉండాలని గంజాయి లాంటి మత్తు పదార్థాలకు అలవాటు పడి జీవితాన్ని నాశనం చేసుకోవద్దని సూచించారు. కష్టపడి చదివి ఉన్నత శిఖరాలు అధిరోహించి తల్లిదండ్రులకు ఉపాధ్యాయులకు మంచి పేరు తీసుకురావాలని అన్నారు. ఈ కార్యక్రమంలో మోడల్ స్కూల్ ప్రిన్సిపాల్ కుంట రమేష్ ఏఎస్ఐ వెంకట రాములు హెడ్ కానిస్టేబుల్ వలికి వెంకన్న ఉపాధ్యాయులు విద్యార్థులు తదితరులు పాల్గొన్నారు.