గ్రీన్ అవేర్ నెస్ మాస్ ప్లాంటేషన్ కార్యక్రమం విజయవంతం

హైదరాబాద్ :( తెలంగాణ వార్త )

చరిత్రత్మకమైన విద్యార్థి గ్రీన్ అవేర్నెస్ మాస్ ప్లాంటేషన్ కార్యక్రమం సెయింట్ పాల్స్ కాలేజ్ ఆఫ్ ఫార్మసీ హైదరాబాద్ లోని తుర్కయం జిల్ లో మంగళవారం ఘనంగా నిర్వహించారు. పర్యావరణ పరిరక్షణలో విద్యార్థులను యువతను ముందుకు తీసుకురావడానికి గాను ఈ పౌర బాధ్యత కార్యక్రమం ముఖ్యమైన మైలురాయిగా ఈసీజీ ఫౌండేషన్ , సెయింట్ పాల్స్ కాలేజ్ ఆఫ్ ఫార్మసీ, ఇండస్ వ్యాలీ ఇంటర్నేషనల్ స్కూల్ సంయుక్త ఆధ్వర్యంలో కార్యక్రమాన్ని నిర్వహిస్తున్నారు. భారీ స్థాయిలో నిర్వహిస్తున్న ఈ కార్యక్రమంలో పదివేల మొక్కలు నాటారు. దీనికిగాను 200 మంది విద్యార్థులు 20 మంది అధ్యాపకులు ఈసీజీ ఫౌండేషన్కు చెందిన సేవాభావ వాలంటీర్లు పాల్గొన్నారు. భవిష్యత్తు తరాలకు ఆరోగ్యకరమైన పచ్చని పర్యావరణాన్ని అందించాలని లక్ష్యంతో ఈ కార్యక్రమాన్ని నిర్వహించారు. కార్యక్రమానికి ముఖ్య అతిథులుగా బ్రిటిష్ డిప్యూటీ హై కమిషనర్ తెలంగాణ, ఆంధ్ర ప్రదేశ్ శ్రీ గారెత్ విన్స్ ఓవెన్, రిటైర్డ్ ఐఏఎస్ అజయ్ మిశ్రా యుఎన్ఏ సిసిసి నేషనల్ చైర్మన్ మాజీ స్పెషల్ చీఫ్ సెక్రటరీ ఎనర్జీ శాఖ ,డాక్టర్ బి ప్రభాకర్ రాష్ట్రచీఫ్ కన్జర్వేటర్ ఆఫ్ ఫారెస్ట్, సర్జికల్ గ్యాస్ట్రో స్పెషలిస్ట్ డాక్టర్ జీవీ ప్రకాష్ లు ముఖ్య అతిథులుగా హాజరయ్యారు. కార్యక్రమానికి రిటైర్డ్ ఐఏఎస్ తిరుమల తిరుపతి దేవస్థానం మాజీ జేఈవో డాక్టర్ లక్ష్మీకాంతం అధ్యక్షత వహించారు. ఈసీజీ ఫౌండేషన్ కమిటీ సభ్యులు సత్తారు కూర్మారావు, డాక్టర్ వెంకటేశ్వర్లు, డాక్టర్ కోట్ల సుధీర్, డాక్టర్ మార్కండేయులు, శ్రీ సుదర్శన్, శ్రీ అల్లం నాగేశ్వరరావు, డాక్టర్ ఆదిత్య, శ్రీ బుర్ర శ్రీనివాస్ లు, సెయింట్ పాల్స్ కాలేజ్ ఆఫ్ ఫార్మసీ, ఇండస్ వ్యాలీ స్కూల్ మేనేజ్మెంట్ శ్రీ రాఘవరెడ్డి శ్రీ కోట్ల సుధీర్ కార్యక్రమ ఆహ్వాన కమిటీ సభ్యులుగా బాధ్యతలు నిర్వహించారు.

పర్యావరణ పరిరక్షణలో విద్యార్థులను యువతను ముందుకు తీసుకురావడానికి ఈ పౌర బాధ్యత కార్యక్రమం ఈసీజీ ఫౌండేషన్ ఆధ్వర్యంలో నిర్వహించారు. ఈ కార్యక్రమంలో ఈసీజీ ఫౌండేషన్ ఇతర సభ్యులు, పుర ప్రముఖులు ,తదితరులు పాల్గొన్నారు.