గుమ్మడిదొడ్డిలో కమ్యూనిటి కాంటాక్ట్ ప్రోగ్రాం 

వాజేడు అక్టోబర్ 22 తెలంగాణ వార్త :- మండల కేంద్రంలోని గుమ్మడిదొడ్డి గ్రామంలో వెంకటాపురం సిఐ బండారి కుమార్  వాజేడు ఎస్ఐ ఆర్ హరీష్ తన సిబ్బందితో కలిసి గుమ్మడిదొడ్డి గ్రామంలో మంగళవారం సాయంత్రం కమ్యూనిటి కాంటాక్ట్ ప్రోగ్రాం నిర్వహించారు.గ్రామస్తులతో సీఐ మాట్లాడుతూ ఎవరైనా అనుమానిత అపరిచిత వ్యక్తులు గ్రామాల్లో చొరబడితే పోలీసు వారికి సమాచారం ఇవ్వాలని యువత గంజాయి లాంటి మత్తు పదార్దాలకు బానిసలు అవ్వకూడదని అలాంటి వారిపై కఠిన చర్యలు తప్పవని హెచ్చరించారు. ఈ కార్యక్రమంలో సిఆర్పిఎఫ్ సిబ్బంది గుమ్మడిదొడ్డి మాజీ సర్పంచ్ జానకి రమణ పంచాయతీ కార్యదర్శి అశోక్ గ్రామస్తులు పాల్గొన్నారు.