గణేష్ మండపాల నిర్వాహకులకు జిల్లా ఎస్పీ  శ్రీ టి. శ్రీనివాస రావు, ఐపీఎస్.,  సూచనలు

 జోగులాంబ గద్వాల 26 ఆగస్టు 2025 తెలంగాణ వార్తా ప్రతినిధి : 
1. గణేష్ మండపాలను ఎవరికి, ట్రాఫిక్ ఇబ్బంది లేకుండా ఏర్పాటు చేసుకోవాలి. మండపం ఏర్పాటు చేసే స్థలం కోసం సంబంధిత శాఖల వారికి సమాచారం ఇవ్వవలెను.

2. గణేష్ మండళ్ల వద్ద సందర్శించే మహిళలపై, యువతులపై" ఈవ్ టీజింగ్" జరుగకుండా చూడవలెను.

3. ప్రజలకు అసౌకర్యం కలగకుండా డీజే / హైఫై సౌండ్స్ వాడకండి. గుండె జబ్బులు, బీపీ ఉన్నవారు, వృద్ధులు, చదువుకునే విద్యార్థులకు ఇబ్బంది కలగకూడదు. సౌండ్ 12 డెసిబెల్స్ దాటకుండా చూసుకోవాలి.
4. రాత్రి 10 గంటల తర్వాత లౌడ్ స్పీకర్లు వాడకూడదు. గౌరవ సుప్రీంకోర్టు నిబంధనలను పాటించాలి, ఉల్లంఘిస్తే చట్టపరమైన చర్యలు తప్పవు.

5. డి.జే లు పూర్తిగా నిషేదం. మైక్ పర్మీషన్ కోసం సంబంధిత SDPO ని సంప్రదించి తప్పని సరిగా పర్మిషన్ తీసుకోవాలి.

6. విధ్యుత్ సరఫరా ఆగకుండా వీధి దీపాలు వెలిగేటట్లు చూడవలెను. షార్టు సర్కూట్ జరుగకుండా మంచి నాణ్యత గల వైరును మాత్రమే ఉపయోగించాలి.

7. ప్రజలకు అసౌకర్యం కలుగజేసే, ఎటువంటి చిన్న సమాచారాన్ని అయిన మీ దగ్గరలోని పోలీసులకు తెలుపండి. లేదా Dial 100కు ఫోన్ చేయగలరు లేదా పోలీస్ కంట్రోల్ రూమ్ నెంబర్: 8712670306 కు తెలపాగలరు.

8. ప్రతి గణేష్ మండపంలో ఉదయం- రాత్రి కనీసం 2-3 కమిటీ సభ్యులు ఉండాలి. పోలీసులు చెకింగ్ కు వచ్చినప్పుడు కనిపించాలి. అసాంఘిక చర్యలు జరగకుండా చూడాలి.

9. ప్రతి గణేష్ మండలి దగ్గర విధిగా పాయింట్ పుస్తకం ఏర్పాటు చేసుకోవాలి. పోలీసు అధికారుల తనిఖీకి వచ్చినప్పుడు అందులో వ్రాసి సంతకం చేస్తారు.

10. " అపరిచిత " వ్యక్తుల గూర్చి సమాచారం తెలియజేయాలి.

11. మీ దగ్గరలో ఎవ్వరయిన అనుమానస్పదంగా బ్యాగులు, ప్లాస్టిక్ సంచూలు వదిలినట్లయితే వాటిని తాకరాదు. అట్టి సమాచారం దగ్గరలోని పోలీస్ అధికారులకు తెలుపండి.

12. గణేష్ మండలి మొక్క పూర్తి వివరములు నిమజ్జనం కొరకు ఏ రోజు ఎక్కడికి ఏ మార్గం ద్వారా తీసుకు వెళ్తారనే సమాచారం సంబంధిత పోలీస్ స్టేషన్ అధికారులకు ముందుగానే తెలుపండి.

13. గణేష్ ప్రతిమలు కూర్చుండబెట్టే ప్రదేశంలో షెడ్ నిర్మాణంలో మంచి నాణ్యత గల షెడ్ ఏర్పాటు చేయవలెను .

14. గణేష్ ప్రతిమలు కూర్చుండబెట్టే వేదిక చాలా బలంగా ఉండేటట్లు చూసుకోవాలి. మేకలు, కోతులు, కుక్కలు ఇతర జంతువులు రాకుండా తగు జాగ్రత్తలు తీసికోవాలి.

15. గణేష్ మండలి వద్ద పూజా కార్యాక్రమంలో " క్యూ " పద్దతి పాటించాలి. "బారికేడ్లను " విధిగా ఏర్పాటు చేసుకోవాలి.

16. ప్రత్యేకంగా లైటింగ్ సౌకర్యం కోసం మంచి నాణ్యత గల వైరు తో ప్లాస్టిక్ పి.వి.సి పైప్ ద్వారా లైటింగ్ సౌకర్యాలు ఏర్పాటు చేసుకోవాలి. పూర్తి సురక్షితమైన కవరుతో ఉన్న Flood Lights మాత్రమే ఉపయోగించుకోవాలి.

17. గణేష్ మండపాల వద్ద ఏప్పుడైనా అగ్ని ప్రమాదం సంభవించినప్పుడు ముందు జాగ్రత్తలో భాగంగా దగ్గరలో రెండు బకెట్ల నీళ్లు, రెండు బకెట్ల ఇసుక ఏర్పాటు చేసుకోవాలి, మరియు “ఫైర్ బాల్స్" సమకూర్చుకోవాలి

18. యువకులు కోపతాపాలకు వెళ్లకుండా" సంయమనం" పాటించే విధంగా చర్యలు తీసుకోవాలి.

19. ఎటువంటి " రూమర్స్” (పుకార్ల) ను నమ్మరాదు.

20. ప్రజలకు అసౌకర్యం కలుగ కుండా నిరంతర పోలీస్ నిఘా ఏర్పాటు చేయబడింది.

21. సంబంధిత నిర్వాహకులు అవసరం నిమిత్తం ఉపయోగించుట కొరకు మీ దగ్గరలోని పోలీస్ సిబ్బంది ఫోన్ నెంబర్లను వ్రాసి పెట్టు కోనగలరు.
22. వీలైనంతవరకు మట్టి తో చేసిన, తక్కువ ఎత్తు గల గణపతులను ప్రోత్సహించండి. పర్యావరణాన్ని కాపాడండి.

23. నిర్వాహకులు మండపాల దగ్గర వచ్చే భక్తులను "క్యూ"లో నిలబెట్టవలెను. వారి వాహానాలను పద్దతి ప్రకారంగా పార్కింగ్ చేయించవలెను.

24. గణేష్ భక్తులు, నిర్వాహకులు మద్యపానానికి దూరంగ ఉండవలెను.

25. గణేష్ మండపాల వద్ద" పేకాట” ఇతర జూదములు ఆడరాదు.

26. నిమజ్జనం రోజు పోలీసు వారు జారీ చేసిన నియమ నిబంధనలు పాటిస్తూ విగ్రహాన్ని (రథం ను ) "క్యూ" లో ఉండే విధంగా చర్యలు తీసుకోగలరు.

27. ప్రతి రథానికి లైటింగ్ సౌకర్యం ఏర్పాటు చేసుకోవాలి.

28. నిమజ్జనం రోజు వీలయినంత వరకు చిన్న పిల్లలు ఉండకుండా చూసుకోవాలి.

29. ఎక్కువ జనసమూహం ఉన్నప్పుడు దొంగతనాలకు ఆస్కారము ఎక్కువగా ఉంటుంది. కాబట్టి చిల్లర దొంగల పై జాగ్రత్త వహించాలి, ఎవరైనా అనుమానాస్పదంగా కనిపిస్తే పోలీసులకు సమాచారం ఇవ్వండి

30. నిమజ్జనం రోజు భజన కార్యక్రమం చేసేవారు సంబంధిత దాన్ని అనుకరిస్తూ భక్తి భావంతో మెలుగవలెను.

31. నిమజ్జనం రోజు వారి అనుకూలంగా  చెఱువులలో / కాలువలలో / జూరాల పరివాహక ప్రాంతాల్లో / నదిఅగ్రహారం/ జమ్మిచేడు/ బీచుపల్లి మొదలగు చోట్ల జగ్రత్తగా నిమజ్జనం చేయాలి.  ప్రత్యేకంగా ఈత వచ్చిన వారు ఉండవలెను. పోలీస్ వారి సూచనల మేరకు నిమజ్జనం చేయవలను.

32. నిమజ్జనం రోజు కొన్ని ప్రాంతాలలో చిన్న పిల్లలు వెల్లడం జరుగుతుంది. అలా కాకుండా ప్రతీ గణేష్ ని నిమజ్జనం చేసే రోజు తప్పక పెద్దవాళ్లు ఉండవలెను. ప్రతీ ఒక్కరు జాగ్రత్తగా, క్షేమముగా తిరిగి ఇంటికి చేరుకోవలెను.

33. కొన్ని మారుమూల గ్రామాలలోని ప్రజలు గ్రామ శివారులో గల చెఱువులో లేదా నీటి కుంటాలలో గణేష్ నిమజ్జనం చేయాడానికి ప్రయత్నిస్తారు. అటువంటి వాటిలో గతంలోనే JCB ద్వారా పెద్ద పెద్దగా మట్టి తీసివేయడం వలన అక్కడ నీరు ఎక్కువగా నిల్వ ఉన్నా కాని కొద్దీగా ఉన్నట్లు కనబడును. కావున ఇటువంటి ప్రదేశాలలో సంబందిత పెద్ద వారు సరియైన జాగ్రత్తలు తీసుకోవాలి.

34. అవసరానుకూలంగా సి.సి కెమెరాలు ఏర్పాటు చేసుకోవాలి.

35. వినాయక విగ్రహం తీసుకొని వచ్చే రోడ్డులో కానీ వినాయక విగ్రహం తీసుకొని వెళ్లే రూటులో కానీ ఎంత ఎత్తు గలదో అట్టి దారి పొడవున ముందుగానే చూసుకోవాలి. ఎక్కడ ఎలాంటి ప్రమాదము జరగకుండా ముందుగానే అన్ని రకాల జాగ్రత్తలు పాటించవలెను.

36. ప్రజలు పోలీసులకు ఎల్లప్పుడు సహకరించవలెను. జిల్లా ఎస్పీ జిల్లా ప్రజలనుకోరారు.