కోదాడలో ఎన్ .ఎస్. ఎస్ విభాగం ఆధ్వర్యంలో"మాదక ద్రవ్యాల నిషేధం పై"మాదక ద్రవ్యాల నిరోధక ప్రతిజ్ఞ"కోదాడ కె ఆర్ ఆర్ ప్రభుత్వ జూనియర్ కళాశాలలో

తెలంగాణ వార్త ప్రతినిధి రావెళ్ళ... కోదాడ :"డ్రగ్స్ రహిత సమాజమే లక్ష్యం

కె. ఆర్. ఆర్. ప్రభుత్వ జూనియర్ కళాశాల కోదాడలో ఎన్.ఎస్.ఎస్ విభాగం ఆధ్వర్యంలో "మాదక ద్రవ్యాల నిషేధంపై సెమినార్"మరియు" మాదకద్రవ్యాల నిరోధక ప్రతిజ్ఞ" కళాశాల సిబ్బంది, విద్యార్థుల చేత చేయించడం జరిగింది. ఎన్.ఎస్.ఎస్. ప్రోగ్రాం అధికారి వేముల వెంకటేశ్వర్లు ఆధ్వర్యంలో జరిగిన ఈ కార్యక్రమంలో కళాశాల ప్రిన్సిపాల్ నారు రమణారెడ్డి పాల్గొని యాంటీ డ్రగ్స్ పోస్టర్లను ఆవిష్కరించిన అనంతరం ఆయన మాట్లాడుతూ...

డ్రగ్స్ రహిత సమాజమే లక్ష్యంగా సాగుతున్న తెలంగాణ ప్రభుత్వ సంకల్పంలో... అందరూ భాగస్వాములు కావాలని ఆయన పిలుపునిచ్చారు. యువత డ్రగ్స్ కి ఆకర్షితులు కాకూడదని, అలా అయినట్లయితే దేశ భవిష్యత్తు, సమాజ భవిష్యత్తు, కుటుంబ భవిష్యత్తు వ్యక్తిగత భవిష్యత్తు ప్రమాదంలో పడి నాశనానికి దగ్గరవుతారని, ముఖ్యంగా మత్తు పదార్థాలు, వివిధ రకాల డ్రగ్స్ ఉపయోగించే వారిపై ప్రభుత్వం కఠిన చర్యలు తీసుకుంటుందని, వీటిని రవాణా చేసే వారిని, సహకరించే వారిని పోలీస్ డిపార్ట్మెంట్ శిక్షిస్తుందని ,అందుకే చెడు అలవాట్లకు దూరంగా ఉండి యువత బంగారు భవిష్యత్తుకు బాటలు వేసుకోవాలని ఆయన అన్నారు. తదనంతరం కళాశాల సిబ్బంది, విద్యార్థులు అందరి చేత మాదకద్రవ్యాల నిరోధక ప్రతిజ్ఞ చేయించడం జరిగింది.

ఈ కార్యక్రమంలో జి. యాదగిరి,వి. బల భీమారావు, ఆర్.రమేష్, పి.రాజేష్, ఎం. రత్నకుమారి, బి. రమేష్ బాబు, జి. వెంకన్న, కె.రామరాజు, జి .రవి కిరణ్ ,కే .సతీష్, ఎస్. గోపి కృష్ణ, ఎస్. కే .ఆరిఫ్, కె.శాంతయ్య, ఎన్ .జ్యోతిలక్ష్మి, ఆర్. చంద్రశేఖర్, టి .మమత. డి.ఎస్.రావు మొదలగు వారు పాల్గొన్నారు.