ఎం.బి.బి.ఎస్ సీటు సాధించిన ప్రణతి సిందేకు ఘనమైన సత్కారము చేసిన అఖిలపక్ష ఐక్యవేదిక.
ఆప్పాయిపల్లి గ్రామానికి సంబంధించిన పత్రికా విలేఖరి, న్యాయవాది అయిన మాధవరావు కుమార్తె ప్రణతిసిందే కు ఎం.బి.బి.ఎస్ లో సీటు వచ్చిందని తెలిసి ఈరోజు అఖిలపక్ష ఐక్యవేదిక నాయకులు వారి స్వగృహంలో ఘనంగా సన్మానం చేయడం జరిగింది. ఇంతకుముందు కూడా ఇంటర్లో మంచి మార్కులు సాధించిన ఈ విద్యార్థినికి ఐక్యవేదిక సన్మానం చేయడం జరిగింది. ఈ సందర్భంగా ఐక్యవేదిక నాయకులు మాట్లాడుతూ, విద్యాప్రర్తి అయిన వనపర్తిలో మంచి విజ్ఞులు అయిన విద్యార్థులు మంచి మార్కులతో వనపర్తి పట్టణానికి, జిల్లాకు పేరు తెస్తున్నారని వారిని ప్రోత్సహిస్తూ అఖిలపక్ష ఐక్యవేదిక పలుమార్లు సన్మానం చేయడం జరిగింది, ఇకముందు కూడా సన్మానాలు చేయడం జరుగుతుందని, విద్యార్థులను, విద్యార్థినీ లను ప్రోత్సహించడంలో ఐక్యవేదిక ముందుంటుందని మంచి మార్కులు, సీట్లు వచ్చిన ప్రతి విద్యార్థిని, ప్రోత్సహిస్తూ వారిని ఉన్నత శిఖరాలకు ఎదగాలని ఐక్యవేదిక కోరుకుంటుందని తెలిపారు. ఈ కార్యక్రమంలో అఖిలపక్ష ఐక్యవేదిక అధ్యక్షుడు సతీష్ యాదవ్, సిపిఐ జిల్లా నాయకులు రమేష్, గోపాలకృష్ణ, టిడిపి రాష్ట్ర నాయకులు కొత్త గొల్ల శంకర్, నాయకులు శివకుమార్, ఆనంద్, బొడ్డుపల్లి సతీష్, మాధవరావు, వారి శ్రీమతి, తదితరులు పాల్గొన్నారు.
