ఉస్మానియా లో ఎం బి బి ఎస్ కాన్వొకేషన్ పొందిన  కట్ట అర్చన..

నిజామాబాద్, 12 ఏప్రిల్ 2024  తెలంగాణవార్త జిల్లా ప్రతినిధి:- నిజామాబాద్ జిల్లా దర్పల్లి మండలం వాడి గ్రామానికి చెందిన కట్ట అర్చన ఉస్మానియా మెడికల్ కళాశాలలో ఎంబిబిఎస్ పూర్తి చేసి శుక్రవారం కళశాల నుంచి ఉస్మానియా స్నాతకోత్సవం (కాన్వొకేషన్)అందుకుంది.కాగ ఈ సందర్భంగా అర్చన తల్లి దండ్రులు హైదరాబాద్ లో జరిగే ఉస్మానియా మెడికల్ కళాశాల కాన్వొకేషన్ 2024 కు హాజరయ్యారు.కాగ కట్ట శంకర్ పిల్లల చదువుల, వ్యాపారం నిమిత్తం ప్రస్తుతం నిజామాబాద్ లో నివాసముంటున్నారు. రవళి ట్రావెల్స్ నడుపుతూ శంకర్ అందరికీ సుపరిచితమే.

 ఈ సందర్భంగా అర్చన మాట్లాడుతూ..ఎంబిబిఎస్ పూర్తి చేయాలన్న నా కళ,నా తల్లిదండ్రుల సహకారంతో,నా పట్టుదలతో చదివి ఈరోజు ఎంబిబిఎస్ పట్టా పొందడం సంతోషంగా ఉందని అన్నారు. ఒక సామాన్య కుటుంబం నుంచి వచ్చిన నేను ఉస్మానియా మెడికల్ కళాశాలలో ఎంబిబిఎస్ పూర్తి చేయడం అందుకు నా తల్లిదండ్రులు ఇచ్చిన సహాయ సహకారాలు ఎప్పటికీ మర్చిపోను అని అన్నారు. డాక్టర్ గా ప్రజలకు సేవ చేస్తానని ఈ సందర్భంగా తెలిపారు. డాక్టర్ వృత్తి ఎంతో గౌరవప్రదమైనదని, భవిష్యత్తులో పేద ప్రజలకు సేవ చేసి మంచి డాక్టర్ గా గుర్తింపు పొందాలని కోరుకుంటున్నట్లు తెలిపారు.