ఆలంపూర్ నియోజకవర్గంలో ఆశ్చర్యానికి గురి చేసిన ఘటన

 జోగులాంబ గద్వాల 2 మే 2024 తెలంగాణ వార్తా ప్రతినిధి:-  మానవపాడు. మండలం మద్దూరు గ్రామానికి చెందిన మాలిక్ కు సంవత్సరములు (28)  రోజు మాదిరిగానే ట్రాక్టర్లో ఇసుక లోడుతో మానపాడు వైపు వెళ్తుండగా అమరవాయి గ్రామ శివారులో బోల్తా పడింది. ఈ సంఘటనలో మాలిక్ తొడ భాగంలో చెట్టు కొమ్మ ఇరుక్కుంది. తీవ్రంగా గాయపడి 15 నిమిషాల పాటు నొప్పిని భరిస్తూ కేకలు వేశాడు. సంఘటన స్థలానికి ఎస్ఐ చంద్రకాంత్, మానవపాడు గ్రామస్తులు చేరుకుని కట్టెలు కోసే రంపంతో తొడలో ఇరుక్కున్న చెట్టుకొమ్మను అలాగే ఉంచి అటు ఇటు కోశారు. తొడలో ఇరుక్కున్న చెట్టుకొమ్మ బయటకు రాకపోవడంతో హుటాహుటిన మానోపాడు ప్రభుత్వ ఆసుపత్రికి తరలించారు. మాలిక్ ఆరోగ్య పరిస్థితి విషమంగా ఉందని మెరుగైన వైద్యం కోసం కర్నూల్ ప్రభుత్వ ఆసుపత్రికి తరలించారు. ఇంకా పూర్తి వివరాలు తెలియాల్సి ఉంది.