వయనాడ్  ప్రజలను ఆదుకోండి.... సిపిఎం పిలుపు...

సూర్యాపేట 14 ఆగస్టు 2024 తెలంగాణవార్త రిపోర్టర్:- కేరళ రాష్ట్రంలో వయనాడ్  ప్రాంతాల్లో ఇటీవల వచ్చిన వరదలకు అనేకమంది మృతి చెందటంతో పాటు అనేక కుటుంబాల ప్రజలు క్షతగాత్రులు  అయినా  కుటుంబాలను ఆదుకోవాలని సిపిఎం పార్టీ ఆధ్వర్యంలో  పట్టణంలో మంగళవారం విరాళాలు సేకరణ కార్యక్రమం నిర్వహించారు. ఈ సందర్భంగా సిపిఎం జిల్లా కార్యదర్శి వర్గ సభ్యులు మేదరమెట్ల వెంకటేశ్వరరావు మాట్లాడుతూ కేరళ రాష్ట్రంలో వయానాడ్ లో సంభవించిన వరదల కారణంగా నష్టపోయిన కుటుంబాలను ఆదుకునేందుకు సిపిఎం ఆధ్వర్యంలో విరాళాల సేకరణకు సహకరించిన ప్రజలందరికి ధన్యవాదాలు తెలిపారు .అతివృష్టి అనావృష్టి వచ్చినప్పుడు అక్కడ ప్రజలును ఆదుకునేందుకు ప్రభుత్వాలతో పాటు ప్రజల కూడా తమ వంతు సహకారం అందించాలని విజ్ఞప్తి చేశారు.  ఈ విరాళాల సేకరణలో వ్యవసాయ కార్మిక సంఘం జిల్లా అధ్యక్షులు ములకలపల్లి రాములు ,సిపిఎం జిల్లా కమిటీ సభ్యులు  జుట్టుకొండ బసవయ్య, దేవర వెంకటరెడ్డి, సిపిఎం పట్టణ కార్యదర్శి ముత్యాలు, రైతు సంఘం జిల్లా కమిటీ సభ్యులు ఎస్కే సైదా , సిపిఎం పట్టణ కమిటీ సభ్యులు దాసరి శీను, రైతు సంఘం నాయకులు  ఏనుగుల వీరాంజనేయులు, సుంకు శీను ,కొండమీది ప్రసాద్, తదితరులు పాల్గొన్నారు.