సీడ్స్ దుకాణాలపై టాస్క్ ఫోర్స్ అధికారుల దాడులు..
జోగులాంబ గద్వాల 5 జూన్ 2024 తెలంగాణ వార్త ప్రతినిధి:- ఎర్రవల్లి మండల కేంద్రంలోని పలు సీడ్స్ దుకాణాలపై టాస్క్ ఫోర్స్ అధికారులు తనిఖీలు నిర్వహించారు. ఈ సందర్బంగా ఎర్రవల్లి కూడలిలోని మన గ్రోమోర్, శాంతి సీడ్స్, ఎస్ కే ఎస్ ట్రేడర్స్, వెంకటరమణ ఆగ్రో ఏజెన్సీస్, మన రైతు బజార్, వెంకటేశ్వర ఆగ్రో కెమికల్స్ వంటి సీడ్ షాపు లను సందర్శించి రైతులకు విక్రయిస్తున్న వివిధ రకాల విత్తనాలను పరిశీలించారు. వానాకాలం ప్రారంభం కావడంతో రైతులు పత్తి, మిరప, కంది, ఆముదం వంటి విత్తనాలను పెద్ద ఎత్తున కొనుగోలు చేస్తున్నారు. ఈ క్రమంలో సీడ్స్ దుకాణాల్లో బ్రాండెడ్ విత్తనాలను అమ్మకాలు చేయాలని టాస్క్ ఫోర్స్ అధికారులు దుకాణాల యజమానులను ఆదేశిస్తున్నారు. రైతులకు నకిలీ విత్తనాలను అమ్మితే కఠిన చర్యలు తీసుకుంటామని *అలంపూర్ తాలూకా టాస్క్ ఫోర్స్ టీం సభ్యులు నాగేశ్వరరావు హెచ్చరించారు. విత్తనాలు కొనుగోలు చేసిన రైతులకు ఒరిజినల్ రసీదులు తప్పనిసరిగా అందజేయాలని యజమానులకు సూచించారు. కార్యక్రమంలో ఏవో అయూబ్ , హెడ్ కానిస్టేబుల్ అమర్నాథ్ తదితరులు పాల్గొన్నారు.
