సర్పంచ్ ఏకగ్రీవానికి చింతగూడ గ్రామ పెద్దల నిర్ణయం

సర్పంచుగా మాడేమోని ఆగమయ్యకు చాన్స్..

10 వార్డులు కూడా ఏకగ్రీవం వైపే..

గ్రామ పెద్దల సమక్షంలో ఏకగ్రీవంపై తీర్మానం

షాద్ నగర్ నియోజక వర్గం పంచాయతీ ఎన్నికల్లో గ్రామస్తులు ఎన్నికల వైపు వెళ్లకుండా ఏకగ్రీవంగా సర్పంచ్ అభ్యర్థిని తీర్మానించి అదేవిధంగా 10 వార్డులను ఏకగ్రీవం చేసేందుకు సుముఖత వ్యక్తం చేశారు. గ్రామ పంచాయతీ ఎన్నికల నోటిఫికేషన్ విడుదలైన నేపథ్యంలో నామినేషన్ రెండవ రోజు కీలక పరిణామం చోటు చేసుకుంది. రంగారెడ్డి జిల్లా షాద్ నగర్ నియోజక వర్గం ఫరూఖ్ నగర్ మండలం చింతగూడ  సర్పంచ్ ఎన్నిక లేకుండానే ఏకగ్రీవంగా సర్పంచ్‌ను గ్రామ పెద్దలు నిర్ణయించి ఎన్నుకోవటం జరిగింది. గ్రామంలో సుమారుగా 908 మంది జనాభా,10 వార్డులు ఉన్నాయి. అయితే, ఈ గ్రామ అభివృద్ధి చేసి చూపిస్తానని, అదే గ్రామానికి చెందిన మాడేమోని ఆగమయ్య ముందుకు వ‌చ్చారు. దీంతో పార్టీలతో సంబంధం లేకుండా పార్టీలకతీతంగా మాడేమోని ఆగమయ్యను ఏకగ్రీవంగా ఎన్నుకున్నటు గ్రామస్తులు పేర్కొంటున్నారు. గ్రామ పెద్ద మనిషిగా అందరి సమస్యలు తెలిసిన వ్యక్తిగా ఉన్నందున ఆయనను సర్పంచ్ గా ఎన్నుకుంటున్నట్లు గ్రామ పెద్దలు, ప్రజలు పేర్కొన్నారు. సర్పంచ్ గా ఎన్నిక కాబోతున్న మాడేమోని ఆగమయ్యను పంచాయతీ ప్రజలు అభినందనలు తెలిపారు. 

ఉప సర్పంచ్ గా వంగూరి శంకరయ్య..

గ్రామ సర్పంచ్ మాడెమోని ఆగమయ్యతో పాటు 10 వార్డులు కూడా ఏకగ్రీవంగా గ్రామ పెద్దల సమక్షంలో తీర్మానం చేశారు. ఒకటో వార్డ్ మెంబర్ గా అనంతమ్మ, రెండో వార్డ్ మెంబర్లుగా స్వర్ణలత, మూడో వార్డ్ మెంబర్గా శ్రీశైలం, నాలుగో వార్డ్ మెంబర్గా పద్మమ్మ, ఐదవ వార్డ్ మెంబర్ గా నరేష్, ఆరవ వార్డు మెంబెర్ గా యాదగిరి, ఏడవ వార్డు మెంబర్గా ప్రభాకర్ రెడ్డి,ఎనిమిదవ వార్డ్ మెంబర్ గా శంకరయ్య,తొమ్మిదవ వార్డ్ మెంబర్ గా మమత, పదో వార్డ్ మెంబర్ గా సత్యంలను గ్రామ పెద్దల అందరి సమక్షంలో ఎన్ను కోవడం జరిగిందని వారు మీడియాకు పేర్కొంటున్నారు.. KP