శాంతినగర్ ప్రాథమిక పాఠశాల లో బతుకమ్మ సంబురాలు. ఆడి పాడిన చిన్నారులు

జోగులాంబ గద్వాల 1 అక్టోబర్ 2024 తెలంగాణ వార్తా ప్రతినిధి:-  బతుకమ్మ సంబరాలను వడ్డేపల్లి మున్సిపాలిటీలోగల శాంతినగర్ లోని మండల ప్రజా పరిషత్ ప్రాథమిక పాఠశాలలో ఘనంగా నిర్వహించారు.పాఠశాలలకు దసరా సెలవుల ముందు రోజైనా మంగళవారము విద్యార్థినీలు తీరొక్క పూలతో  బతుకమ్మలను తయారుచేసుకుని అలంకరించుకొచ్చారు. సంప్రదాయం పద్దతి లో బతుకమ్మలకు పూజలు నిర్వహించి, బతుకమ్మ ల చుట్టూ వివిధ రకాల బతుకమ్మ పాటలతో సాంప్రదాయ నృత్యాలతో ఆడి, పాడారు. చిన్నారుల వస్త్ర వేషధారణ అందరినీ ఆకట్టుకున్నాయి. అనంతరము  బతుకమ్మలను నిమజ్జనం చేశారు. ఈ కార్యక్రమంలో ప్రధానోపాధ్యాయురాలు వెంకట నరసమ్మ, ఉపాధ్యాయులు విజయలక్ష్మి, రమ్య, శ్రీలత, సునీత, తదితరులు ఉన్నారు.