రక్తపు మడుగులో చందు   పాత కక్షలు కారణం   పరారీలో నిందితులు 

తెలంగాణ వార్త కొండపాక:-  పాత కక్షలతో ఒకరిపై దాడి చేసి తీవ్రంగా గాయపడిన సంఘటన కొండపాకలో గురువారం జరిగింది ఇందుకు సంబంధించిన వివరాలు ఇలా ఉన్నాయి కొండపాక గ్రామానికి చెందిన వడ్డెర రేపాక చందు  26 అనే వ్యక్తి కాలకృత్యాల కోసం గురువారం  కాలనీ వెనకాల గల చెరువు వద్దకు వెళుతుండగా ఆసమయంలో అదే గ్రామానికి చెందిన రేపాక నవీన్  రేపాక సంతోష్ లు ఇద్దరు కలిసి రేపాక చందు పై కత్తులతో దాడికి పాల్పడి గాయపరిచారు. వెంటనే విషయం చందు తన తమ్ముడైన నరేందర్ కు చెప్పగా నరేందర్ అక్కడికి వెళ్లి చూసేసరికి చందు రక్తం మడుగులో పడి ఉన్నాడు. వెంటనే నరేందర్ చందును. సిద్దిపేట ప్రభుత్వ ఆసుపత్రికి తరలించాడు. రేపాక నవీన్ సంతోష్ లు పాత కక్షలు మనసులో పెట్టుకోవడంతోపాటు రేపాక చందు అనే వ్యక్తి నవీన్ వదినతో మాట్లాడినాడు అనే అనుమానంతో రేపాక  చందును చంపడానికి ప్రయత్నించారు. ఇట్టి సంఘటనపై నరేందర్ ఫిర్యాదు మేరకు కుకునూరుపల్లి ఎస్సై హత్యాయత్నం కింద కేసు నమోదు చేశారు. ఇద్దరు నిందితులు పరారీలో ఉన్నట్టు పోలీసులు తెలిపారు.