ప్రజావాణి కార్యక్రమంలో 14 ఫిర్యాదులను స్వీకరించిన జిల్లా ఎస్పీ శ్రీ టి. శ్రీనివాసరావు, ఐపీఎస్.

 జోగులాంబ గద్వాల 8 సెప్టెంబర్ 2025 తెలంగాణ వార్తా ప్రతినిధి :  గద్వాల ఈ రోజు ప్రజావాణిలో బాధితుల నుండి వచ్చిన ఫిర్యాదులను స్వీకరించి, వాటి సత్వర పరిష్కారమే లక్ష్యంగా,  బాధితులకు చట్ట ప్రకారం న్యాయం చేయడానికి కృషి చేయడం జరుగుతుందని జిల్లా ఎస్పీ శ్రీ టి. శ్రీనివాసరావు, ఐపీఎస్.,. అన్నారు. జిల్లాలోని వివిధ ప్రాంతాల నుంచి ప్రజావాణి కార్యక్రమానికి వచ్చిన ఫిర్యాదుదారుల నుండి 14 ఫిర్యాదులను స్వీకరించి, ఆయా పోలీస్ స్టేషన్ల అధికారులకు ఫోన్ చేసి,  బాధితుల సమస్యలను చట్టపరంగా వీలైనంత తొందరగా పరిష్కరించాలని ఎస్పీ  ఆదేశించారు.

ఈ సందర్భంగా ఎస్పీ మాట్లాడుతూ......... ప్రజలకు పోలీస్ సేవలను మరింత చేరువ చేయడమే లక్ష్యంగా, ప్రజల సమస్యలు పరిష్కరించే దిశగా కృషి చేయడం జరుగుతుందని, పోలీస్ అధికారులు, సిబ్బంది పోలీస్ స్టేషన్ కి వచ్చిన ఫిర్యాదుదారులతో మర్యాదపూర్వకంగా ప్రవర్తించి వారి వినతలు, ఫిర్యాదులు స్వీకరించి అవసరమైతే క్షేత్రస్థాయిలో పరిశీలించి, చట్ట ప్రకారం బాధితులకు న్యాయం జరిగే విధంగా చూడాలన్నారు. తద్వారా ఫిర్యాదుదారునికి పోలీస్ శాఖపై భరోసా, నమ్మకం మరింత పెంచాలన్నారు. ప్రజావాణిలో వచ్చిన ఫిర్యాదులు ఆన్లైన్లో పొందుపరుస్తూ, ఏ మేరకు పరిష్కారం అయ్యాయో ఎప్పటికప్పుడు సమీక్షించుకుంటూ, మరింత సమర్థవంతంగా ప్రజలకు సేవలు అందించడం జరుగుతుందని తెలిపారు. 

ఈరోజు వచ్చిన ఫిర్యాదులలో భూ వివాదాలకు సంబంధించి - 05, గొడవలకు సంబంధించి -02, ప్లాటుకు సంబంధించి  -03, పొలంకు దారి అడ్డగింత సంబంధించి -01, ఇతర అంశాలకు సంబంధించి -03 ఫిర్యాదులు రావడం జరిగిందని పిఆర్ఓ ఆఫీస్ నుంచి తెలిపారు.