నిరుద్యోగుల ఉసురు తగులుతుంది రేవంత్ రెడ్డి 

BRSV పాలమూరు యూనివర్సిటీ కన్వీనర్ తనగల గడ్డం భరత్ బాబు

రేవంత్ రెడ్డికి నిరుద్యోగుల ఉసురు తగులుతుందని బీఆర్ఎస్వి పాలమూరు యూనివర్సిటీ కన్వీనర్ గడ్డం భరత్ బాబు అన్నారు. బుధవారం పాలమూరు యూనివర్సిటీలో నిర్వహించిన విలేకరుల సమావేశంలో BRSV యూనివర్సిటీ కన్వీనర్ గడ్డం భరత్ బాబు మాట్లాడుతూ నిన్న మహబూబ్నగర్ జిల్లా సమీక్ష సమావేశానికి విచ్చేసిన రేవంత్ రెడ్డి ప్రభుత్వ కార్యక్రమం అయిపోయిన తర్వాత ఏఎస్ఎన్ గార్డెన్లో పార్టీ కార్యకర్తల సమావేశంలో మాట్లాడుతూ.. నిరుద్యోగుల పక్షాన మద్దతుగా మాట్లాడే వారిని తలకుమాసిన వాళ్లు అని మాట్లాడడం చాలా దౌర్భాగ్య విషయమని,వారి డిమాండ్లను సామరస్యంగా అడుగుతున్న నిరుద్యోగులను కించపరచడం సరికాదని,ప్రజాస్వామ్యంలో నిరుద్యోగుల పక్షాన మద్దతుగా నిలిచే వారిని ఇలా మాట్లాడం మంచి పద్దతి కాదని అన్నారు.నిరుద్యోగుల ఓట్లతో గెలిచిన రేవంత్ రెడ్డి మీరు ఇప్పటికైనా మేల్కొని ఎన్నికల్లో నిరుద్యోగులకు బాండ్ పేపర్ మీద ఇచ్చిన హామీలను నెరవేర్చాలని,మీరు ప్రతిపక్షంలో ఉన్నప్పుడు గ్రూప్-1 మెయిన్స్ కు 1:100  ప్రకారం ఇవ్వాలన్న మీరే ఈరోజు గ్రూప్-1 మెయిన్స్ లో 1:50 ప్రకారం ఇచ్చారని,ప్రతిపక్షంలో ఉన్నప్పుడు ఒక మాట అధికారపక్షంలోకి వచ్చాక ఒక మాటలు మాట్లాడం మీకే సాధ్యమని అన్నారు.మెగా డీఎస్సీ ద్వారా 25 వేల టీచర్ పోస్టులను భర్తీ చేస్తామని చెప్పి మాట నిలుపుకోలేకపోయారని,డీఎస్సీని వాయిదా వేయాలని కోరుతూ నిరుద్యోగులు రాత్రి పగలు నిరసనలు తెలిపితే వారిని పోలీసులతో నిర్బంధించడం దేనికి సంకేతం మీరు అన్నారు.బీఆర్ఎస్ ప్రభుత్వం ఇచ్చిన పోస్టులను మేం అధికారంలోకి వచ్చిన 90 రోజుల్లో 30,000 పోస్టులను భర్తీ చేశామని చెప్పడం హాస్యాస్పదంగా ఉందని తెలిపారు.

ఈ కార్యక్రమంలో బీఆర్ఎస్వీ నాయకులు తిరుమల్ నాయుడు, రమేష్,పూర్ణ చందర్ రావు,రేణు, కార్తీక్,తేజ,నరేష్ తదితరులు పాల్గొన్నారు.