ఏఐ ఎస్ బి ఐ ఎస్ఎఫ్ జాతీయ అధ్యక్షులుగా ఆర్.శ్రీరామ్ ఎన్నిక పట్ల హర్షం
సూర్యాపేట: ఎస్ బి ఐ స్టాఫ్ యూనియన్ హైదరాబాద్ సర్కిల్ జనరల్ సెక్రెటరీ కామ్రేడ్ ఆర్.శ్రీరామ్ ఆల్ ఇండియా ఎస్బిఐ స్టాఫ్ ఫెడరేషన్ జాతీయ అధ్యక్షులుగా ఎన్నికైన సందర్భంగా జిల్లా కేంద్రంలోని ఎస్బిఐ ఓబిఎస్ బ్రాంచ్ లో ఆ సంఘం సూర్యాపేట జిల్లా రీజినల్ సెక్రెటరీ కామ్రేడ్ అయితగోని మహేష్ ఆధ్వర్యంలో ఘనంగా వేడుకలను నిర్వహించారు.ఈ వేడుకలలో భాగంగా బాణాసంచా కాల్చారు.అనంతరం భారీ కేక్ కట్ చేసి సంబరాలు జరుపుకున్నారు.ఈ సందర్భంగా సంఘ సూర్యాపేట జిల్లా రీజినల్ సెక్రెటరీ మహేష్ మాట్లాడుతూ దేశంలోని వివిధ రంగాలలోని అన్ని సంఘాలలో తమ సంఘం బలోపేతమైనదని అన్నారు. ఆలిండియా ఎస్బిఐ స్టాప్ ఫెడరేషన్ లో హైదరాబాద్ సర్కిల్ ముఖ్య పాత్ర గురించి వివిధ బ్రాంచ్ ల సంఘ సెక్రటరీలు, సభ్యులకు వివరించారు జాతీయ అధ్యక్షులుగా ఆర్.శ్రీరామ్ ఎన్నిక కావడం పట్ల హర్షం వ్యక్తం చేశారు.ఉద్యోగుల సమస్యల పరిష్కారంలో తమ సంఘం ఎల్లప్పుడూ ముందుంటుందని అన్నారు.
