అక్కిరెడ్డి కుటుంబ సభ్యుల ఆత్మీయ సమ్మేళనం
07-06-2026 తెలంగాణ వార్త రిపోర్టర్ చిన్నంబావి మండలం.
చిన్నంబావి మండల పరిసర ప్రాంతమైన వెల్టూరు గ్రామం లొ అక్కిరెడ్డి కుటుంబ సభ్యుల ఆత్మీయ సమ్మేళనం ఘనంగా జరుపుకున్నారు.
వనపర్తి జిల్లా చిన్నంబావి మండలం వెల్లటూరు గ్రామంలో స్వర్గీయ అక్కిరెడ్డి–నరసమ్మ దంపతుల కుటుంబ సభ్యుల ఆత్మీయ సమ్మేళనం ఆదివారం ఘనంగా నిర్వహించారు. వివిధ ప్రాంతాల నుంచి కుటుంబ సభ్యులు, బంధుమిత్రులు పెద్ద సంఖ్యలో హాజరై కుటుంబ బంధాలను మరింత బలోపేతం చేసుకున్నారు.
కార్యక్రమం ప్రారంభంలో కుటుంబ పెద్దల చిత్రపటాలకు పూలమాలలు వేసి నివాళులర్పించారు. అనంతరం కుటుంబ సభ్యులు పూర్వీకుల సేవలను, కుటుంబ విలువలను స్మరించుకుంటూ మాట్లాడారు. తరతరాలుగా కుటుంబ ఐక్యత, పరస్పర సహకారం, ప్రేమాభిమానాలను కొనసాగించాలని పిలుపునిచ్చారు.
ఈ సందర్భంగా చిన్నారులు, యువత కోసం సాంస్కృతిక కార్యక్రమాలు, వినోదాత్మక పోటీలు నిర్వహించారు. విజేతలకు బహుమతులు అందజేశారు. కుటుంబ సభ్యులు పరస్పరం పరిచయాలు చేసుకుంటూ పాత జ్ఞాపకాలను గుర్తుచేసుకొని ఆనందంగా గడిపారు. కుటుంబ ఐక్యతకు ప్రతీకగా నిలిచిన ఈ ఆత్మీయ సమ్మేళనం అందరినీ ఆకట్టుకుంది.
కార్యక్రమం అనంతరం సామూహిక భోజనాలు ఏర్పాటు చేశారు. ఇలాంటి కుటుంబ సమ్మేళనాలను ప్రతి సంవత్సరం నిర్వహించాలని సభ్యులు నిర్ణయించారు.
ఈ కార్యక్రమంలో ఆర్. వెంకట్రామ్ రెడ్డి, మధు భాస్కర్ రెడ్డి, నాగేశ్వర్ రెడ్డి, జగ్గారి శ్రీధర్ రెడ్డి, జగ్గారి శ్రీకాంత్ రెడ్డి, జగ్గారి శ్రీనాథ్ రెడ్డి, ఏ. పురంధర్ రెడ్డి, ఏ. శివానంద రెడ్డి, కే. వెంకట కృష్ణారెడ్డి, కే. మహేశ్వర్ రెడ్డి, పి. శేషి రెడ్డి, కే. బాలస్వామి రెడ్డి తదితరులు పాల్గొన్నారు.
