ఉపాధ్యాయ దినోత్సవ కార్యక్రమం.
జోగులాంబ గద్వాల 5 సెప్టెంబర్ 2024 తెలంగాణ వార్త ప్రతినిధి:- గద్వాల. జిల్లా కేంద్రంలోని అనంత ఫంక్షన్ హాల్ లో గురువారం ఉపాధ్యాయ దినోత్సవాన్ని ఘనంగా జరుపుకున్నారు. ఈ కార్యక్రమానికి ముఖ్య అతిథులుగా జిల్లా కలెక్టర్ బి ఎం సంతోష్ ఎమ్మెల్యే బండ్ల కృష్ణమోహన్ రెడ్డి హాజరయ్యారు. ఈ సందర్భంగా జిల్లా కలెక్టర్ మాట్లాడుతూ ఉపాధ్యాయ వృత్తికే వన్నె తెచ్చిన డాక్టర్ సర్వేపల్లి రాధాకృష్ణన్ జయంతినే ఉపాధ్యాయ దినోత్సవంగా జరుపుకుంటున్న సందర్భంగా ఉపాధ్యాయులు అందరికీ నా శుభాకాంక్షలు తెలిపారు. ఎమ్మెల్యే మాట్లాడుతూ విలువలతో కూడిన విద్యను అందిస్తూ సమాజానికి దిక్సూచిగా నిలుస్తున్న ఉపాధ్యాయులు నాకు నిత్య స్ఫూర్తి అన్నారు. ఈ కార్యక్రమంలో మార్కెట్ చైర్మన్ హనుమంత్ విద్యాశాఖ అధికారులు ఉపాధ్యాయులు పాల్గొన్నారు. ఈ సందర్భంగా జిల్లాలో ఎంపికైన 51 మంది ఉత్తమ ఉపాధ్యాయులను జిల్లా కలెక్టర్ ఎమ్మెల్యే ఘనంగా సన్మానించారు.
