అంజలి స్కూల్లో ఘనంగా కృష్ణాష్టమి వేడుకలు

తెలంగాణవార్త సూర్యాపేట జిల్లా ప్రతినిధి:- సూర్యాపేట : జిల్లా కేంద్రంలో అంజలి స్కూల్ లో శనివారం కృష్ణాష్టమి వేడుకలను ఘనంగా నిర్వహించారు. ఈ వేడుకలలో భాగంగా చిన్నారులు రాధాకృష్ణుల వేషధారణలతో అలరించారు. చేతిలో వేణువుని పట్టుకొని నృత్యాలు చేశారు.అనంతరం ఉట్టి కొట్టే కార్యక్రమం నిర్వహించి ఆడిపాడారు.ఈ సందర్భంగా స్కూల్ కరస్పాండెంట్ వెంపటి అజయ్ కుమార్ మాట్లాడుతూ విద్యార్థులు విద్యతో పాటు సాంప్రదాయాలను పాటించాలన్నారు.మన సంస్కృతి సంప్రదాయాలపై విద్యార్థులకు అవగాహన కలిగేందుకు ఇలాంటి కార్యక్రమాలు దోహదపడుతాయని అన్నారు.ఈ కార్యక్రమంలో స్కూల్ డైరెక్టర్లు సుభాష్, గండూరి ప్రకాష్, ఉపాధ్యాయులు, విద్యార్థుల తల్లిదండ్రులు తదితరులు పాల్గొన్నారు.