స్నేహితుని జ్ఞాపకార్థం అన్నదానం చేసిన స్నేహితులు 

తమతో కలిసి ఉంటూ కష్టంలో సుఖంలో పాలుపంచుకున్న స్నేహితుడు అకాల మరణం చెందడంతో స్నేహితుని జ్ఞాపకార్థం తోటి స్నేహితులు శనివారం సూర్యాపేట జిల్లా కేంద్రంలోని ప్రధాన రహదారిపై పెద్ద ఎత్తున అన్నదాన కార్యక్రమాన్ని నిర్వహించారు.  సూర్యాపేట జిల్లా కేంద్రంలోని ప్రధాన రహదారిపై కాన్పూర్ చెప్పల్స్ దుకాణం నిర్వహిస్తున్న కుంటల రాజేంద్రప్రసాద్ ఇటీవల గుండెపోటుతో మృతి చెందారు. ఆయన అకాల మరణాన్ని స్నేహితులు జీ జీర్ణించుకోలేకపోయారు.  స్నేహితుని జ్ఞాపకార్థం శనివారం ప్రధాన రహదారిపై పెద్ద ఎత్తున అన్నదాన కార్యక్రమాన్ని నిర్వహించి ఆయనతో కలసి ఉన్న జ్ఞాపకాలను గుర్తు చేసుకొని కంటతడి పెట్టారు. మిత్రుడు ఆత్మకు శాంతి చేకూరాలని ఆ భగవంతుని ప్రార్థించారు. ఈ కార్యక్రమంలో స్నేహితులు రాచకొండ దేవయ్య, నక్క శ్రీనివాస్, దొండ శ్రీనివాస్, పజ్జు అహ్మద్, బూర నాగయ్య,  హనుమయ్య, సలీం,  చందు,  గుండా శ్రీనివాస్ తదితరులు ఉన్నారు.