మిర్యాలగూడలో ఘనంగా ఎమ్మెల్సీ తీన్మార్ మల్లన్న జన్మదిన వేడుకలు 

మాడుగులపల్లి 18 జనవరి 2025 తెలంగాణవార్త రిపోర్టర్:- నల్గొండ,ఖమ్మం,వరంగల్ పట్టభద్రుల ఎమ్మెల్సీ తీన్మార్ మల్లన్న జన్మదినం సందర్భంగా మిర్యాలగూడలో తీన్మార్ మల్లన్న టీమ్ మిర్యాలగూడ నియోజక వర్గ ఇన్చార్జి  కొర్ర పిడత సురేష్ యాదవ్  ఆధ్వర్యంలో ఘనంగా నిర్వహించడం జరిగింది.ఈ సందర్భంగా కొర్ర పిడత సురేష్ యాదవ్ మాట్లాడుతూ బడుగు బలహీన వర్గాల  సంక్షేమం కోసం నిరంతరం పోరాటం చేస్తున్న తీన్మార్ మల్లన్న  జన్మదిన వేడుకలు మిర్యాలగూడలో నిర్వహించుకోవడం చాలా సంతోషంగా ఉంది. అలాగే నిత్యం పేద ప్రజల పక్షాన పోరాటం చేస్తూ తెలంగాణ రాష్ట్రంలో ఎవరికి ఏ కష్టం వచ్చినా పరిష్కార దిశగా పోరాటం చేస్తున్న మల్లన్న ఇలాగే పేద ప్రజల కోసం ఎన్నో సంక్షేమ పథకాలు కోసం పెద్ద ఎత్తున పోరాటాలు చేయడంలో మేమంతా ముందుంటామని ఆయన అన్నారు. త్వరలో జరగనున్న స్థానిక సంస్థల ఎన్నికలలో పేద వర్గాలు పెద్ద ఎత్తున పోరాట దిశగా అడుగులు వేయాలని ఆయన కోరారు.ఈ కార్యక్రమంలో తీన్మార్ మల్లన్న టీమ్ సభ్యులు యూత్ కాంగ్రెస్ నాయకులు కుల సంఘాల నాయకులు పాల్గొన్నారు