పెద్దాపురం, జయంతి, చౌటపల్లి లో పల్లె పండుగ ఎమ్మెల్యే తంగిరాల సౌమ్య

పెద్దాపురం, జయంతి, చౌటపల్లి లో పల్లె పండుగ

పల్లె పండుగతో గ్రామాలకు మహర్దశ

గ్రామాభివృద్ధే ధ్యేయంగా కూటమి ప్రభుత్వం పనిచేస్తుంది 

ఎమ్మెల్యే తంగిరాల సౌమ్య 

ఎన్టీఆర్ జిల్లా, వీరులపాడు మండలం : 19 అక్టోబర్ 2024

పంచాయతీలో ప్రతి గ్రామం అభివృద్ధి చెంది, ప్రజల జీవన ప్రమాణాలు మెరుగై, ఆర్ధిక స్థితిగతులు మెరుగుపర్చడమే కూటమి ప్రభుత్వం లక్ష్యమని నందిగామ ఎమ్మెల్యే తంగిరాల సౌమ్య అన్నారు. పల్లె పండుగ కార్యక్రమంలో భాగంగా శనివారం నందిగామ నియోజకవర్గం వీరులపాడు మండలం పెద్దాపురం, జయంతి మరియు చౌటపల్లి గ్రామాల్లో పలు అభివృద్ధి కార్యక్రమాలకు శంకుస్థాపన కార్యక్రమాలను పెద్ద ఎత్తున చేపట్టారు. పెద్దాపురంలో 30 లక్షలు జయంతిలో 50 లక్షలు చౌటపల్లి లో 20 లక్షల నిధులతో భూమి పూజ కార్యక్రమాలకు అధికారులు కూటమినేతలతో కలిసి శ్రీకారం చుట్టారు. ఈ సందర్భంగా మాట్లాడుతూ, తెలుగుదేశం అధికారంలో ఉన్న కాలంలోనే పల్లెల అభివృద్ధికి చంద్రన్న బాట ద్వారా అనేక రహదారుల నిర్మాణం జరిగిందన్నారు. కూటమి ప్రభుత్వానికి బాధ్యతలు వచ్చిన తర్వాత గ్రామాలు అభివృద్ధి దిశగా పయనిస్తున్నాయని ఆమె పేర్కొన్నారు. పల్లె పండుగ కార్యక్రమం ద్వారా పల్లెలలో మౌలిక సదుపాయాల కల్పనకు, గ్రామపంచాయతీల అభివృద్ధికి రాష్ట్ర ప్రభుత్వం పెద్ద ఎత్తున చర్యలు తీసుకుంటుందని వివరించారు. అనంతరం వైఎస్ఆర్ పార్టీని వీడి తెలుగుదేశం పార్టీలోకి విచ్చేసిన గ్రామ సర్పంచ్ పల్లెపోగు పుల్లయ్యను కూటమి నేతలతో కలిసి పార్టీ కండువా కప్పి తెలుగుదేశం పార్టీలోకి సాదరంగా ఆహ్వానించిన శాసనసభ్యులు శ్రీమతి తంగిరాల సౌమ్య.