తాడ్వాయి మండలంలోని కాటాపూర్ గ్రామంలో ప్రాథమిక ఆసుపత్రిని ఆకస్మికంగా తనిఖీ
సిబ్బంది హాజర్ రిజిస్టర్ పరిశీలన
రోగులకు మందులు పంపిణీ చేసేటప్పుడు సరిగ్గా తనిఖీ చేయాలి
ములుగు జిల్లా, ఆగస్టు :27 : ఐటీడీఏ ఏటూరునాగారం ప్రాజెక్ట్ ఆఫీసర్ శ్రీ లెనిన్ వత్సల్ టోప్పో ఐఏఎస్ శ్రీ సమ్మక్క సారలమ్మ తాడ్వాయి మండలం కాటాపూర్ లోని ప్రాథమిక ఆరోగ్య కేంద్రాన్ని ఆకస్మికంగా తనిఖీ చేశారు. ఆసుపత్రి వార్డులోని ఇన్పేషెంట్ రిజిస్టర్ను తనిఖీ చేసి ప్రతిరోజూ చేరుతున్న రోగులను మరియు రిజిస్టర్లో నమోదు చేస్తున్న వివరాలను పరిశీలించారు. రికార్డుల కోసం అన్ని రిజిస్టర్లను ప్రతిరోజూ అప్డేట్ చేయాలని మరియు వార్డును శుభ్రంగా చక్కగా ఉంచాలని సంబంధిత సిబ్బందిని ఆదేశించారు.రోగుల సహాయకులతో మాట్లాడి వారి నివాస ప్రాంతం నమోదైన కేసులు డాక్టర్ మరియు సిబ్బంది లభ్యత గురించి ఆరా తీశారు. దోమల నివారణకు నివాస ప్రాంతాలలో ఇండోర్ రెసిడ్యువల్ స్ప్రేయింగ్ (ఐ ఆర్ ఎస్ ) చేస్తున్నారా అని విచారించి అన్ని నివాస ప్రాంతాలలో ఐ ఆర్ ఎస్ కవరేజీని నిర్ధారించాలని వైద్య సిబ్బందిని ఆదేశించారు. మందుల నిల్వ గదిని తనిఖీ చేసి మందులపై తయారీ మరియు గడువు తేదీలను పరిశీలించారు. అన్ని మందులను సరైన పద్ధతిలో వేరు చేసి స్వీకరించిన పంపిణీ చేసిన స్టాక్ వివరాలను రిజిస్టర్లో నమోదు చేయాలని సిబ్బందిని ఆదేశించారు. సిబ్బంది హాజరు రిజిస్టర్ను పరిశీలించి అందరూ అందుబాటులో ఉండేలా చూసుకోవాలని ప్రాథమిక ఆరోగ్య కేంద్రం క్షేత్రస్థాయిలో సిబ్బంది విధి నిర్వహణ సమయంలో సమయపాలన పాటించేలా చూడాలని ఆదేశించారు.ఫార్మసీని తనిఖీ చేసి రోగులకు మందుల పంపిణీని పరిశీలించి రోగులకు మందులు పంపిణీ చేసేటప్పుడు సరిగ్గా తనిఖీ చేయాలని రోగి రికార్డులను సరిగ్గా నిర్వహించాలని సిబ్బందిని ఆదేశించారు.ప్రాథమిక ఆరోగ్య కేంద్రం తనిఖీ సమయంలో డాక్టర్ స్నిగ్ధ ఎంఎల్హెచ్పి ఆరోగ్య విస్తరణ అధికారి మరియు సిబ్బంది వెంట ఉన్నారు.
