టిపిసిసి అధ్యక్షుడిగా మహేష్ కుమార్ గౌడ్ నియామకం పట్ల హర్షం 

  తెలంగాణ గౌడ సంక్షేమ సంఘం రాష్ట్ర వర్కింగ్ ప్రెసిడెంట్ పంతంగి వీరస్వామి గౌడ్  

 (సూర్యాపేట టౌన్ సెప్టెంబర్ 07):-  బీసీ గౌడ సామాజిక వర్గానికి చెందిన బొమ్మ మహేష్ కుమార్ గౌడ్ ని తెలంగాణ కాంగ్రెస్ టీపీసీసీ అధ్యక్షుడిగా నియమించడం పట్ల తెలంగాణ గౌడ సంక్షేమ సంఘం రాష్ట్ర వర్కింగ్ ప్రెసిడెంట్ తెలంగాణ సామాజిక ఉద్యమకారుడు పంతంగి వీరస్వామి గౌడ్  హర్షం వ్యక్తం చేశారు. శనివారం సూర్యాపేట జిల్లా కేంద్రంలో తన సభ్యులతో కలిసి తన కార్యాలయలాంలో  ఆనందం వ్యక్తం చేశారు. అనంతరం  ఆయన విలేకరులతో మాట్లాడుతూ బీసీ సామాజిక వర్గానికి చెందిన వ్యక్తిని కాంగ్రెస్ పార్టీ జాతీయ నాయకత్వం నిర్ణయం గౌడ సామాజిక వర్గానికి గౌరవాన్నిచ్చే విధంగా ఉందని అన్నారు.  మహేష్ కుమార్ గౌడ్ నియామకం గౌడ సామాజిక వర్గం ఆకాంక్షలను ప్రతిబింబిస్తుందన్నారు. మహేష్ కుమార్ గౌడ్ వివాదరహిత నాయకుడిగా, కాంగ్రెస్ పార్టీలో అత్యంత చురుకైన నాయకులలో ఒకరిగా ఉన్నందుకు సంతోషం వ్యక్తం చేశారు. అలాగే, తెలంగాణ రాష్ట్ర ముఖ్యమంత్రి రేవంత్ రెడ్డి  ఈ నియామకంలో కీలక పాత్ర పోషించినందుకు తెలంగాణ వ్యాప్తంగా గౌడ సంఘాల తరఫున కృతజ్ఞతలు తెలిపారు. ఈ నియామకం గౌడ సామాజిక వర్గానికి కాంగ్రెస్ పార్టీ ప్రాధాన్యతను మరింతగా పెంచుతుందని అన్నారు .మహేష్ కుమార్ గౌడ్ నియామకానికి విశేష కృషి చేసిన ఏ ఐ సి సి అగ్ర నేత రాహుల్ గాంధీ, అధ్యక్షులు మల్లికార్జున ఖర్గే గౌడ సామాజిక వర్గం తరఫున రాహుల్ గాంధీ కి హృదయపూర్వక కృతజ్ఞతలు తెలిపారు. ఈ కార్యక్రమంలో జై గౌడ సంక్షేమ సంఘం సూర్యాపేట జిల్లా ఉపాధ్యక్షుడు జలగం సత్యం గౌడ్ కార్యదర్శి అయిత గాని మల్లయ్య గౌడ్ ఖమ్మం పాటి అంజయ్య గౌడ్ ఆకుల మారయ్య గౌడ్ రాపర్తి జానయ్య గౌడ్ జానీ తదితరులు పాల్గొన్నారు.