వీధి కుక్కల దాడికి 20 నాటు కోళ్లు,గేదెదూడ మృతి

అడ్డగూడూరు 2 నవంబర్ 2024 తెలంగాణవార్త రిపోర్టర్:- యాదాద్రి భువనగిరి జిల్లా అడ్డగూడూరు మండల పరిధిలోని జానకిపురం గ్రామంలో శనివారం ఉదయం వీధి కుక్కల దాడిలో మెతుకు రమేష్ అనే రైతు వ్యవసాయ బావి వద్ద 20 నాటు కోళ్లు ఒక బర్రె దూడ మరణించాయి రైతు రమేష్ తన వ్యవసాయ క్షేత్రం వద్ద బర్ల షెడ్డు నిర్మించి వాటితో పాటు నాటు కోళ్లను పెంచారు శనివారం ఉదయం సమయంలో వీధి కుక్కలు 10 నుండి 15 కుక్కలు ఏకకాలంలో దూడలపై నాటు కోళ్ల పై దాడి చేశాయని రైతు రమేష్ ఆవేదన వ్యక్తం చేశారు. ఊరిలో వీధి కుక్కల బెడద చాలా ఎక్కువగా ఉందని వీధి కుక్కల విషయంలో అధికారుల నుండి ఎలాంటి స్పందన లేదని వాపోయారు.ఇప్పటికైనా అధికారులు స్పందించి వీధి కుక్కల దాడులను అరికట్టాలని ప్రభుత్వ అధికారులను వేడుకున్నారు.జానకిపురం గ్రామంలో వీధి కుక్కల బెడద కోతుల బెడద ఎక్కువగా ఉందని వీటి విషయంపై అధికారులు స్పందించి తగిన చర్యలు తీసుకోవాలని గ్రామవాసులు ఆగ్రహం వ్యక్తం చేస్తున్నారు.