మున్సిపల్ ఉద్యోగులు అవార్డులు పొందడం అభినందనీయం..మాజీ సర్పంచ్ యర్నేని.

 స్వాతంత్ర దినోత్సవ వేడుకల్లో ఉత్తమ సేవా పురస్కారాలకు పొందిన కోదాడ మున్సిపల్ ఉద్యోగులకు  మాజీ సర్పంచ్ ఎర్నేని బాబు ఆధ్వర్యంలో ఘన సన్మానం.

సూర్యాపేట జిల్లా ,ఆగస్టు 16:కోదాడ మున్సిపల్ ఉద్యోగులు స్వాతంత్ర దినోత్సవ వేడుకల్లో జిల్లా కలెక్టర్ చేతుల మీదుగా  ఉత్తమ సేవా పురస్కారాలు పొందడం  అభినందనీయమని కోదాడ మాజీ సర్పంచ్ ఎర్నేని బాబు అన్నారు. శుక్రవారం కోదాడ పట్టణంలోని ఆయన నివాసంలో కోదాడ మున్సిపాలిటి నుండి  ఉత్తమ సేవా పురస్కారాలు పొందిన శానిటరీ ఇన్స్ పెక్టర్ పి యాదగిరి, బిల్ కలెక్టర్లు టి శివప్రసాద్, రంగాచారి అనంతలక్ష్మి స్వీపర్ కొమ్ము నాగేశ్వరరావు ట్రాక్టర్ డ్రైవర్ మహబూబ్ పాషా లను  అభినందించి మాట్లాడారు. విధులను అంకితభావంతో నిర్వహించడం వల్లే అధికారులు వారి సేవలను గుర్తించి జిల్లా ఉత్తమ ఉద్యోగులుగా ఎంపిక చేశారన్నారు. వీరిని ఆదర్శంగా తీసుకొని మిగతా ఉద్యోగులు సిబ్బంది మరింత అంకితభావంతో పనిచేసి అవార్డులు పొందాలన్నారు. అవార్డులు పొందిన ఉద్యోగులు భవిష్యత్తులో రాష్ట్రస్థాయిలో అవార్డులు పొంది కోదాడ మున్సిపాలిటీకి పేరు తేవాలన్నారు. నిత్యం ప్రజలకు సేవలు అందిస్తూ అవార్డులు పొందిన ఉద్యోగులను అభినందించడం  ఎంతో సంతోషంగా ఉందన్నారు

  .అనంతరం పూల మాలలు శాలువా, మెమోంటో లతో అవార్డు గ్రహీత లను ఘనంగా సన్మానించారు.అనంతరం అభినందన పొందిన ఉద్యోగులు మాట్లాడుతూ తమ సేవలను గుర్తుంచుకొని మాజీ సర్పంచ్ ఎర్నేని బాబు ప్రత్యేకంగా అభినందనలు తెలపడం పట్ల కృతజ్ఞతలు తెలిపారు ఈ కార్యక్రమంలో నాయకులు రావేళ్ళ కృష్జా రావు, పారా వెంకటేశ్వర్లు, వంటిపులి రమా శ్రీనివాస్ ,నెమ్మది దేవమణి , సింగారెడ్డి ,అనిల్ రెడ్డి ఖాజా మైనోద్దీన్ తదితరులు పాల్గొన్నారు.