మరణించిన హెడ్ కానిస్టేబుల్ కు సంతాపం తెలియజేసిన ఎస్సై

అనారోగ్యంతో మరణించిన హెడ్ కానిస్టేబుల్ కుటుంబానికి సంతాపం తెలియజేసిన కోదండపూర్ ఎస్సై స్వాతి.జోగులాంబ గద్వాల జిల్లా, కోదండాపూర్ పోలీస్ స్టేషన్ లో  విధులు నిర్వర్తిస్తున్న హెడ్ కానిస్టేబుల్ చెన్నకేశవులు గత కొన్నిరోజులుగా అనారోగ్యంతో  హైదారాబాద్ లోని ఒక హాస్పిటల్ లో చికిత్స పొందుతూ శుక్రవారం రోజున మరణించడం జరిగింది. వీరి  కుటుంబానికి శనివారం లింగన్వాయి గ్రామంలో  ఎస్పీ రితిరాజ్ ఆదేశాల మేరకు ఎస్సై స్వాతి నివాళులు అర్పించి ప్రగాఢ సంతాపం తెలియజేసారు.తన చేతుల మీదుగా అంత్యక్రియ ఖర్చులకు గాను 20,000/- రూపాయల నగదును అందజేశారు.హెడ్ కానిస్టేబుల్ సతీమణి చెన్నమ్మ  ను ఎస్సై ఓదారుస్తూ తనకు అన్ని విధాలుగా అండగా ఉంటామని తెలియజేశారు.ఈ కార్యక్రమంలో  జిల్లా పోలీసు సిబ్బంది  తదితరులు పాల్గొన్నారు.