పోగొట్టుకున్న ఫోన్ అప్పగింత:ఎస్సై చంద్ర కాంత్

జోగులాంబ గద్వాల 29 ఫిబ్రవరి 2024 తెలంగాణ వార్తా ప్రతినిధి:- మానవపాడు. మండల పోలీస్‌స్టేషన్ పరిధిలో ఫోన్లను పోగొట్టుకున్న వ్యక్తులు ఫోన్ ఎక్కడో పడిపోవడంతో పోలీసులకు ఫిర్యాదు చేయగా పోలీసులు సీఈఐఆర్ పోర్టల్‌లో వివరాలు నమోదు చేసి ఫోన్‌లను  గుర్తించి గురువారం బాధితులకు అందజేశారు. ఈ సందర్భంగా ఎస్సై  చంద్రకాంత్ మాట్లాడుతూ... ఎవరైనా వారి ఫోన్ పోగొట్టుకున్నా, దొంగతనానికి గురైనా అట్టి ఫోన్ వివరాలను సీఈఐఆర్‌లో నమోదు చేయాలన్నారు.దీని ద్వారా ఫోన్‌ను పొందే అవకాశం ఉంటుందని, ఈ అవకాశాన్ని ప్రతి ఒక్క రు సద్వినియోగం చేసుకోవాలన్నారు. ఎవరికైనా మొబైల్ ఫోన్‌లు, అనుమానిత వస్తువులు, ఇతర విలువైన వస్తువులు దొరికితే సమీప పోలీష్‌స్టేసన్‌లో అప్పగించాలన్నారు. అంతే కాని అలాంటి వస్తువులను తమ దగ్గర ఉంచడం వల్ల నేరం అని ఎస్సై తెలిపారు.