తిరుమలగిరిలో ఘర్షణ పలువురికి గాయాలు
తిరుమలగిరి 22 ఆగస్టు 2024 తెలంగాణ వార్త రిపోర్టర్
తిరుమలగిరి మండల కేంద్రంలోని తెలంగాణ చౌరస్తాలో టిఆర్ఎస్ రాష్ట్ర కమిటీ పిలుపుమేరకు రాష్ట్రవ్యాప్తంగా నియోజకవర్గాల్లో పూర్తిస్థాయిలో రైతు రుణమాఫీ పై నిరసన దీక్షలలో భాగంగా తుంగతుర్తి మాజీ ఎమ్మెల్యే డా గాదరి కిషోర్ కుమార్ ఆధ్వర్యంలో ధర్నా నిర్వహిస్తున్న సమయంలో భారీగా కాంగ్రెస్ కార్యకర్తలు గుమికూడి 10 సంవత్సరాల కాలంలో టిఆర్ఎస్ పార్టీ ఏం చేసిందని కాంగ్రెస్ బిఆర్ఎస్ వర్గాలు ఒకరిపై ఒకరు వ్యతిరేక నినాదాలు చేస్తూ ఘర్షణ వాతావరణం నెలకొనడంతో ఇరు వర్గాలు పరస్పరం రాళ్లదాడి చేసుకోవడంతో పలువురికి గాయాలయ్యాయి. కొన్ని వాహనాల కారు అద్దాలు పగిలిపోయాయి. ఇరువర్గాలను పోలీసులు చెదరగొట్టారు. రాళ్ల దాడిలో పోలీసులకు సైతం గాయాలైనట్లు సమాచారం.దీక్షా శిబిరాన్ని ఖాళీ చేయించి టెంట్లు ఎత్తివేయించిన పోలీసులు అనంతరం బిఆర్ఎస్ కార్యకర్తలు మాజీ ఎమ్మెల్యే నివాసానికి చేరుకొని సమావేశం అయ్యారు.అక్కడే ఉన్న కాంగ్రెస్ కార్యకర్తలు సీఎం రేవంత్ రెడ్డి చిత్రపటానికి పాలాభిషేకం నిర్వహించారు. పదేళ్లలో సాధ్యం కానిది ఎనిమిది నెలల్లో చేసి చూపిన ఘనత కాంగ్రెస్ పార్టీకే దక్కిందని పేర్కొన్నారు.
