ట్రాక్టర్ ఫల్టీ యువకుడు మృతి

తెలంగాణ వార్త ఆత్మకూరు యస్ ట్రాక్టర్ ఫల్టీ యువకుడు మృతి ఆత్మకూర్ ఎస్... వేసవి సెలవుల్లో అమ్మమ్మ ఇంటికి సరదాగా వచ్చిన బీటెక్ విద్యార్థి ట్రాక్టర్ ప్రమాదం లో మృతి చెందిన సంఘటన ఆత్మకూరు మండల కేంద్రం లో గురువారం సాయంత్రం జరిగింది. స్థానికులు తెలిపిన వివరాల ప్రకారం యలమ రెడ్డి హేమంత్ రెడ్డి 19.భూమి దున్నేందుకు వెళుతూ ప్రమాదవశాత్తు ట్రాక్టర్ పల్టికొట్టి పక్కనే ఉన్న బురద గుంటలో పడి కూరుకుపోయి ఊపిరాడక యువకుడు మృతి చెందాడు. వివరాల్లోకి వెళితే ఆత్మకూర్ ఎస్ కు చెందిన నంద్యాల మల్లారెడ్డి కూతురు శిరీష ను ఖమ్మం జిల్లా తిరుమలాయ పాలెం మండలం ఏదులవారి గూడెం వెంకట్ రెడ్డి తో గత 22ఏళ్ల క్రితం వివాహం అయింది.

 వారికి ఇద్దరు కుమారులు. వేసవి సెలవుల్లో తమ అమ్మమ్మ గారి ఇల్లు ఆత్మకూర్ కు వస్తుంటారు.పెద్ద కుమారుడు మృతుడు హేమంత్ రెడ్డి హైదరాబాద్ లో బీ టెక్ మొదటి సంవత్సరం చదువుతున్నాడు .ఇటీవల సెలవులకు ఆత్మకూర్ వచ్చి గురువారం తాత వాళ్ళ వ్యవసాయ భూమి నీ ట్రాక్టర్ తో వెళ్లి ఉదయం దున్ని వచ్చాడు .మరి కొంత భూమి దున్నాల్సి ఉండగా సాయంత్రం ట్రాక్టర్ తో వెళుతుండ గా ప్రమాద వశాత్తు ఫల్టీ కొట్టింది. ఈ ప్రమాదం లో రోడ్డు పక్కన ఉన్న బురద గుంటలో హేమంత్ రెడ్డి పడి ఊపిరి అందక అక్కడి కక్కడే మృతి చెందాడు. పరిసర ప్రాంతాలవారు చూసి కుటుంబ సభ్యులకు పోలీస్ ల కు సమాచారం ఇచ్చారు. మృత దేహాన్ని పోస్ట్ మార్టం నిమత్తం సూర్యాపేట ప్రభుత్వ హాస్పటల్ కు తరలించినట్లు పోలీసులు తెలిపారు..