ఘనంగా వాసిరెడ్డి సోమిరెడ్డి ప్రధమ వర్ధంతి

 తిరుమలగిరి, 23 ఫిబ్రవరి 2024 తెలంగాణ వార్త రిపోర్టర్ :-  రైతులు కార్మికుల సమస్యలపై మండల కార్యదర్శిగా వాసిరెడ్డి సోమిరెడ్డి  చేసిన పోరాట సేవలు చిరస్మరణీయమని సిపిఐ జిల్లా కార్యదర్శి బెజవాడ వెంకటేశ్వర్లు అన్నారు. గురువారం తొండ గ్రామంలో సిపిఐ నాయకులు వాసిరెడ్డి సోమిరెడ్డి  ప్రథమ వర్ధంతి  సి పి ఐ జిల్లా కార్యవర్గ సభ్యులు యల్లెంల యాదగిరి అధ్యక్షతన సమావేశాన్ని నిర్వహించడం జరిగింది. ఈ సమావేశానికి ముఖ్య అతిథిగా విచ్చేసిన సిపి జిల్లా కార్యదర్శి బెజవాడ వెంకటేశ్వర్లు మాట్లాడుతూ వాసిరెడ్డి సోమిరెడ్డి  రైతుల సమస్యల మీద,కార్మికుల సమస్యల మీద అనునిత్యం పోరాటాన్ని కొనసాగించాడని ఆయన గుర్తు చేశారు. పార్టీకి ప్రజా సంఘానికి తీరనిలోటు అని ఆయన అన్నారు. సోమిరెడ్డి స్ఫూర్తితో ముందు కొనసాగాలని రైతు సంఘం జిల్లా గౌరవ అధ్యక్షులు మాజీ .జెడ్పిటిసి మురగండ్ల లక్ష్మయ్య అన్నారు. ఏఐటియుసి జిల్లా ఆర్గనైజింగ్ సెక్రటరీ జి రాజారామ్ లు మాట్లాడారు.ఈ సమావేశంలో సింగిల్ విండో డైరెక్టర్ భూతం రవి, సిపిఐ నాయకులు అశోక్,సైదులు, వెంకన్న,పున్నయ్య తదితరులు పాల్గొన్నారు.