కాంగ్రెస్‌కు కలిసొచ్చింన తుక్కుగూడ
తుక్కుగూడ వేదికగా పార్లమెంట్‌ ఎన్నికల సమరశంఖారావం..
కూకట్ పల్లి తెలంగాణవార్త, ఏప్రిల్ 06:- తుక్కుగూడ సభ కాంగ్రెస్‌కు కలిసొచ్చింది. తెలంగాణలో అధికారాన్ని చేజిక్కించుకోవడంతో 10 ఏళ్లనాటి పూర్వవైభవాన్ని చాటింది. ఈ సెంటిమెంట్‌తోనే తుక్కుగూడ వేదికగా పార్లమెంట్‌ ఎన్నికల సమరశంఖాన్ని పూరించేందుకు సిద్ధమైంది. దేశ ప్రజలను ఆకట్టుకునేలా జన జాతర పేరుతో భారీ ఎత్తున సభ నిర్వహిస్తోంది. అసెంబ్లీ ఎన్నికల్లో తుక్కుగూడ సభ కలిసి రావడంతో.. అదే వేదిక నుంచి ప్రచారాన్ని షూరూ చేయనుంది. దేశ ప్రజలను ఆకట్టుకునేలా జనజాతర పేరుతో ఈ సభను నిర్వహిస్తోంది.
తుక్కుగూడ సభా వేదిక నుంచి కాంగ్రెస్ జాతీయ మేనిఫెస్టోను తెలుగులో విడుదల చేయనుంది. అలాగే కేంద్రంలో కాంగ్రెస్ అధికారంలోకి వస్తే రాష్ట్రంలో అమలు చేసే స్కీమ్‌లను ప్రత్యేకంగా విడుదల చేయనుంది. కాగా శనివారం కూకట్ పల్లి నియోజకవర్గం, కైతలపూర్ నుంచి కూకట్ పల్లి కాంగ్రెస్ పార్టీ ఆధ్వర్యంలో సుమారు 100 బస్సులకు కూకట్ పల్లి నియోజకవర్గ కో ఆర్డినేటర్ కోటంరెడ్డి వినయ్ రెడ్డి, నియోజకవర్గ ఇంచార్జి బండి రమేష్ లు జండా ఊపి బస్సు యాత్రను ప్రారంభించారు. డివిజన్ అధ్యక్షులు, మహిళా అధ్యక్షులు, కార్యకర్తలు, సీనియర్ నాయకులు పదివేల మందికి పైగా భారీ ఎత్తున తరలి వెళ్లారు. పార్టీ తరపున పోటీ చేస్తున్న అభ్యర్థుల విజయమే లక్ష్యంగా తుక్కుగూడ జన జాతర భారీ బహిరంగ సభను విజయవంతం చేసేందుకు వేల సంఖ్యలో కార్యకర్తలు తరలి వెళ్లారు.
