హైదరాబాదు పాస్టర్ దైవప్రసాద్ దాడి అమానుషం

తెలంగాణవార్త సూర్యాపేట జిల్లా ప్రతినిధి:- బిషప్ దుర్గం ప్రభాకర్ సూర్యాపేట జిల్లా పాస్టర్స్ అసోసియేషన్ అధ్యక్షులు  శుక్రవారం 16 ఆగస్టు : గరిడేపల్లి మండల కేంద్రం రాయనిగూడెం గ్రామం లోని సువార్త చర్చ్ నందు జరిగిన పాస్టర్స్ సమావేశంలో సూర్యాపేట జిల్లా పాస్టర్స్ అసోసియేషన్ అధ్యక్షులు బిషప్ దుర్గం ప్రభాకర్ మాట్లాడుతూ నిన్న హైదరాబాద్ గాజులరామారం (జె ఎన్ ఎన్ యూ ఆర్ యం) కాలనీలోని దైవకృపా ప్రార్ధనా మందిరం పాస్టర్. దైవప్రసాద్ పై కొంతమంది యువకులు గురువారం రాత్రి తీవ్రంగా కొట్టి చర్చి అద్దాలు పగులగొట్టి, లోపల వున్న అన్ని వస్తువులు గందరగోళం చేసి చర్చి లోపల పులిపీట్ ను పడేసి లైట్లు అన్ని పగులగొట్టి గందరగోళం సృష్టించారు.పాస్టర్ దైవప్రసాద్ ప్రస్తుతం మల్లారెడ్డి హాస్పిటల్ లో వైద్యుల పర్యవేక్షణలో చికిత్స పొందుతూన్నారని వారికీ ప్రభుత్వం మెరుగైన వైద్యం అందించాలని, పోలీసులు వెంటనే దర్యాప్తు చేపట్టి దాడికి పాల్పడిన వారిపై కఠినమైన చర్యలు తీసుకోవాలని, మరల ఇలాంటి సంఘటనలు పునరావృతం కాకుండా చర్యలు తీసుకొని ఇరవై లక్షల నష్టం పరిహారం ప్రభుత్వం ఇవ్వాలని బాధితులకు న్యాయం చేయాలనీ అన్నారు.

ఈ కార్యక్రమం లో సువార్త చర్చ్ ఆంధ్ర మరియు తెలంగాణ రాష్ట్రాల కో ఆర్డినేటర్ పాస్టర్ సి. హెచ్. శ్యామ్ ప్రసాద్,నల్గొండ ఉమ్మడి జిల్లా పాస్టర్స్ కన్వీనర్ పాస్టర్ చింత మనిషే,సూర్యాపేట జిల్లా పాస్టర్స్ అసోసియేషన్ ఉపాధ్యక్షులు బిషప్ ముల్లంగి జాకబ్ రాజు, సూర్యాపేట నియోజకవర్గం అధ్యక్షులు రెవ. డా జలగం జేమ్స్, మాజీ అధ్యక్షులు రెవ. బొక్క ఏలీయా రాజు,సూర్యాపేట రూరల్ అధ్యక్షులు యల్క ప్రభాకర్,రెవ.తుంగతుర్తి నియోజకవర్గం సీనియర్ పాస్టర్ చెట్టుపల్లి కిరణ్ కుమార్,పాస్టర్ కొండేటి లాజర్, పి వి బోయాజ్, పంది మార్క్,బోడ లూకా, ఏర్పుల క్రిష్టఫర్, మామిడి క్రిష్టఫర్,యాడవెల్లి అబ్రాహాము, కొమ్ము హోసన్నా తదితరులు పాల్గొన్నారు