బాలల హక్కులు – బాలల చట్టాలపై అవగాహన కార్యక్రమం

జోగులాంబ గద్వాల 5 ఆగస్టు 2026 తెలంగాణ వార్త ప్రతినిధి:- మండల పరిధిలోని మార్లబీడు గ్రామంలోని మహాత్మా జ్యోతిరావు ఫూలే ప్రభుత్వ పాఠశాల*లో విద్యార్థులకు బాలల హక్కులు మరియు బాలల పరిరక్షణ చట్టాలపై అవగాహన కార్యక్రమం నిర్వహించబడింది.
ఈ కార్యక్రమాన్ని మహిళా మరియు శిశు సంక్షేమ శాఖ ఆధ్వర్యంలో జిల్లా న్యాయ సేవా సంస్థ సహకారంతో నిర్వహించారు. ఈ సందర్భంగా జిల్లా మహిళా మరియు శిశు సంక్షేమ అధికారి సునంద ముఖ్య అతిథిగా హాజరై విద్యార్థులను ఉద్దేశించి మాట్లాడారు. 
బాలల హక్కులను ప్రతి విద్యార్థి తెలుసుకోవడం ఎంతో అవసరమని అన్నారు. విద్య, రక్షణ, ఆరోగ్యం మరియు సమాన అవకాశాలు ప్రతి బాలుడి మరియు బాలిక హక్కులని వివరించారు.
చట్టాలపై అవగాహన
బాల్య వివాహాలు, బాల కార్మిక వ్యవస్థ, లైంగిక వేధింపులు వంటి సమస్యల నుండి పిల్లలను రక్షించేందుకు అమలులో ఉన్న చట్టాల గురించి వివరించారు. అవి:
1.లైంగిక నేరాల నుండి పిల్లల రక్షణ చట్టం
2.  బాల న్యాయ సంరక్షణ మరియు పరిరక్షణ చట్టం
3.  బాల కార్మిక నిషేధ మరియు నియంత్రణ చట్టం
4.  ఉచిత మరియు నిర్బంధ విద్యా హక్కు చట్టం ఏదైనా సమస్య ఎదురైనప్పుడు భయపడకుండా సంబంధిత అధికారులకు లేదా బాలల సహాయ కేంద్రం 1198  ద్వారా సమాచారం అందించాలని సూచించారు. ప్రతి విద్యార్థి తన హక్కులను తెలుసుకుని, తనతో పాటు ఇతర పిల్లల హక్కులను కూడా గౌరవించాలని పిలుపునిచ్చారు.
న్యాయ నిపుణుల వివరణ 
ఈ కార్యక్రమంలో జిల్లా న్యాయ సేవా సంస్థ ప్రతినిధులు బాలల చట్టాలపై న్యాయపరమైన అంశాలను వివరించి, విద్యార్థుల సందేహాలకు సమాధానాలు ఇచ్చారు.ఈ కార్యక్రమంలో జిల్లా బాలల రక్షణ అధికారి నరసింహ జిల్లా న్యాయ సేవా సంస్థ న్యాయ సహాయ రక్షణ మండలి సభ్యులు రాజేందర్,సమగ్ర బాలల రక్షణ పథకం కౌన్సిలర్ సురేష్, పాఠశాల ప్రధానోపాధ్యాయులు శ్రీనివాస్ రావు, మరియు బాలల సహాయ కేంద్రం సిబ్బంది జయన్న, బహుళార్థక సలహా కేంద్రం హన్మి రెడ్డి తదితరులు పాల్గొన్నారు.