రేపు జాతీయ క్రీడల దినోత్సవం

గద్వాల్:- జాతీయ క్రీడల దినోత్సవం 2024ను పురస్కరించుకొని జిల్లా కలెక్టర్ బి.యం. సంతోష్  ఫ్లెక్స్‌ను విడుదల చేశారు.బుధవారం జిల్లా కలెక్టర్  ఛాంబర్ నందు  హాకీ దిగ్గజం స్వర్గీయ మేజర్ ధ్యాన్ చంద్ గారి జయంతి సందర్భంగా ఫ్లెక్స్‌ను విడుదల చేశారు.రేపు(29వ తేదీ, ఆగస్టు,2024)ప్రభుత్వ ఆదేశాల మేరకు  ఘనంగా నిర్వహించుకోవడం జరుగుతుందని జిల్లా కలెక్టర్ అన్నారు.ఈ సందర్భంగా ఉదయం 6.30 గంటలకు ఇండోర్ స్టేడియంలో మేజర్ ధ్యాన్ చంద్ విగ్రహానికి పూలమాలలు వేసి నివాళులు అర్పించడం ద్వారా కార్యక్రమం ప్రారంభమవుతుంది. అనంతరం ఉదయం 6.40 గంటలకు రాష్ట్ర స్థాయి స్వర్ణ పతక విజేతలను సన్మానించనున్నారు. తదుపరి, ఉదయం 6.50 గంటలకు జాతీయ స్థాయి టేక్వాండో రిఫరీగా ఎంపికైన సభ్యునికి సన్మానం నిర్వహించనున్నారు.మరియు, ఉదయం 7.00 గంటలకు బహుమతుల పంపిణీ కార్యక్రమం నిర్వహించబడుతుంది. ఈ కార్యక్రమం ముగింపులో, ఉదయం 7.10 గంటలకు క్రీడా విద్యార్థులు ర్యాలీ నిర్వహించడం జరుగుతుందని అన్నారు.ఈ కార్యక్రమానికి జిల్లా కలెక్టర్ బి.యం. సంతోష్ ముఖ్య అతిథిగా హాజరవుతారని తెలిపారు. ఈ కార్యక్రమంలో జిల్లా క్రీడా అధికారి  బి.ఎస్ ఆనంద్, తదితరులు పాల్గొన్నారు.