మండల కేంద్రంలో ఘనంగా బాలల దినోత్సవం

తెలంగాణ వార్త:- మండల కేంద్రంలో ఘనంగా బాలల దినోత్సవ వేడుకలు వాజేడు, నవంబర్14(తెలంగాణ వార్త): మండల కేంద్రంలోని నాగారం జిల్లా పరిషత్ ఉన్నత పాఠశాలలో ఘనంగా బాలల దినోత్సవ వేడుకలు జరిగాయి.ఈ కార్యక్రమంలో జిల్లా పరిషత్ ఉన్నత పాఠశాల ప్రధానోపాధ్యాయులు సోయం ఆనందరావు మాట్లాడుతూ...భారతదేశ తొలి ప్రధాని జవహర్ లాల్ నెహ్రూ జన్మదినం సందర్భంగా పాఠశాలలో బాలల దినోత్సవంతో పాటు స్వయం పరిపాలన దినోత్సవం నిర్వహించామని నెహ్రూకి పిల్లలు అంటే అమితమైన ప్రేమ అని అందుకే ఆయన జన్మదినాన్ని పురస్కరించుకొని దేశంలో బాలల దినోత్సవం జరుపు కుంటారు అని చెప్పారు.దేశ ప్రధానిగా ఆయన చేసిన సేవలను విద్యార్థులకు తెలియజేశారు. స్వయం పరిపాలన కార్యక్రమంలో పాఠశాల హెచ్ఎం గా పనిచేసిన భరత్ చంద్ర అధ్యక్షతన ఉపాధ్యాయులుగా విద్యార్దులు తమ విధి నిర్వహణలో బాధ్యతలు సక్రమంగా పోషించి ఉపాధ్యాయుల మన్ననలు పొంది మెప్పించారు. ఈ కార్యక్రమంలో పాఠశాల ఉపాద్యాయులు పొరిక స్వరూప్ సింగ్,నునావత్ శ్రీకాంత్,కంచు ప్రభాకర్, పాఠశాల సిబ్బంది తదితరులు పాల్గొన్నారు.