డ్రగ్స్ సైబర్ నేరాలు, షీ టీమ్స్ పై అవగాహన కోదాడ టౌన్ పిఎస్ పరిధిలో
డ్రగ్స్, సైబర్ నేరాలు,షీటీమ్స్ పై అవగాహన
కోదాడ టౌన్ PS పరిది.లో ఎస్పీ సన్ ప్రీత్ సింగ్ ఐపిఎస్ గారి ఆదేశాల మేరకు కోదాడ DSP మామిళ్ళ శ్రీధర్ రెడ్డి , ఇన్స్పెక్టర్ రాము , పట్టణం లోని కిడ్స్ కళాశాలలో షీ టీమ్స్ , సైబర్ నేరాలపైన , గంజాయి , డ్రగ్స్ మత్తుమందులపై , పోలీసు కళాభృందంతో విద్యార్థినిలకు అవగాహన కార్యక్రమం ఏర్పాటు చేయడం జరిగింది . ఈ యొక్క కార్యక్రమాన్ని ఉద్దేశించి డి.ఎస్.పి మామిళ్ళ శ్రీధర్ రెడ్డి , ఇన్స్పెక్టర్ రాము మాట్లాడుతూ జిల్లా ఎస్పి సన్ ప్రీత్ సింగ్ ఐపిఎస్ అధ్వర్యంలో షీ టీమ్స్, సైబర్ నేరాలపై, గంజాయి డ్రగ్స్ మత్తు మందులు , గుట్కాపై పటిష్టంగా పనిచేస్తున్నామని తెలిపారు . ప్రతి గ్రామంలో, స్కూల్లో కళాశాలలో, వసతి గృహాలలో చదువుకునే విద్యార్థులు , యువతి యువకులు ఇంటర్నెట్ ను సద్వినియోగం చేసుకోవాలి , సైబర్ మోసగాళ్ళ వల్ల మోసాలకు గురి కావద్దని , బ్యాంక్ ఖాతా, ATM కార్డ్ వివరాలు OTP వివరాలు ఇతరులకు తెలపవద్దని , ఇతరులు ఆశ చూపితే వాటికి ఆకర్షితులు కావొద్దన్నారు . మెసేజ్ లలో వచ్చే బ్లూ లింక్ అనుసరించి వ్యక్తిగత వివరాలు నమోదు చేయవద్దు అని కోరినారు.సైబర్ మోసాలపై 1930 టోల్ ఫ్రీ నంబర్ కు పిర్యాదు చేయాలని అన్నారు . అలాగే వేధింపులపై 100 కు సమాచారం ఇవ్వాలని తెలిపినారు. వ్యక్తిగత సమాచారం , బ్యాంకు వివరాలు , ఏటీఎం పిన్ నెంబర్లు , సోషల్ మీడియాలో బహిర్గతం చేయొద్దన్నారు . వ్యక్తిగత ఫోటోలను DP లు గా పెట్టుకోవద్దని చెప్పారు .మొబైల్ యాప్ లలో వచ్చేటువంటి అనవసరమైన బ్లూ లింకులను క్లిక్ చెయ్యొద్దు అని తెలిపారు . యువత చెడు వ్యసనాల బారిన పడొద్దు అన్నారు .గంజాయి మత్తుమందులకు సంబంధించిన సమాచారం ఎవరికైనా తెలిస్తే తప్పకుండా పోలీస్ వారికి సమాచారం ఇవ్వాలని తెలియజేశారు యువత లోన్ యాప్ లకు దూరంగా ఉండాలన్నారు .సామాజిక మాధ్యమాలకు రక్షణగా బలమైన పాస్వర్డ్లు పెట్టుకోవాలని అన్నారు.
షీ టీమ్స్ మహిళ SI నీలిమ మాట్లాడుతూ మహిళల రక్షణ పై పటిష్టంగా పనిచేస్తున్నామని, ఆకతాయిలా ఆటలు సాగవని , మహిళలను , ఆడపిల్లలను గౌరవించాలని తెలియజేశారు . అదే విధంగా ఆత్మ రక్షణ కొరకు మెలుకువలు నేర్చు కోవాలన్నారు ఎవరైనా మీ ఆత్మగౌరవాన్ని భంగ పరిచినట్లయితే , షీ టీం నెంబర్ 8712686056 కు సమాచార తెలియ జేయవచ్చు అన్నారు టీ సేఫ్ యాప్ గురించి విద్యార్థినిలకు వివరించారు . అనంతరం పోలీసు కళబృందం వారు చక్కటి సాంస్కృతిక , పాటలతో విద్యార్థినిలకు అవగాహన కల్పించారు , ఈ కార్యక్రమం నందు కిడ్స్ కళాశాల చైర్మన్ నీలం సత్యనారాయణ , డైరెక్టర్ నాగేశ్వరరావు , ప్రిన్సిపల్ గాంధీ , కోదాడ షీ టీం ASI కృష్ణమూర్తి ,సిబ్బంది హెడ్ కానిస్టేబుల్ గోవిందు , హెడ్ కానిస్టేబుల్ యల్లారెడ్డి , కానిస్టేబుల్ యాకూబ్ , మహిళ కానిస్టేబుల్ సాయి జ్యోతి , మహిళ సాధికారిత కేంద్రం డిస్ట్రిక్ట్ మిషన్ కోఆర్డినేటర్ చైతన్య , సఖి సెంటర్ అడ్మినిస్ట్రేటర్ హేమలత ,భరోసా సెంటర్ మౌనిక , శృతి , కళాబృందం ఇంచార్జ్ యల్లయ్య , గోపయ్య , గురులింగం , క్రిష్ణ,చారి , నాగర్జున మరియు కిడ్స్ కళాశాల ఉపాధ్యాయిని ఉపాధ్యాయులు , విద్యార్థినిలు పాల్గొన్నారు .
