గురుకుల పాఠశాలను సందర్శించిన జిల్లా కలెక్టర్ హనుమంతు జడంగే

అడ్డగూడూరు 26 అక్టోబర్ 2024 తెలంగాణవార్త రిపోర్టర్:- యాదాద్రి భువనగిరి జిల్లా అడ్డగూడూరు మండలంలో ఉన్న గురుకుల పాఠశాలను & కళాశాలను జిల్లా కలెక్టర్ హనుమంతు జడంగే సందర్శించారు. ఉపాధ్యాయుల హాజరు పట్టికలను మరియు హాజరు రిజిస్టర్ లను పరిశీలించారు. ఇంకా పాఠశాలకు రాని విద్యార్థినిల యొక్క వివరాలను మరియు కారణాలు అడిగి తెలుసుకున్నారు. తదుపరి పిల్లల భోజనశాలను రోజు వారి మేనూను అడిగి తెలుసుకుని వంటశాలను పరిశీలించడం జరిగింది. విద్యార్థినిలను కలిసి యోగక్షేమాలను మరియు వారి ఎస్.ఏ.ఐ పరీక్షల గురించి అడిగి తెలుసుకున్నారు. పదవ తరగతి మరియు ఇంటర్ పిల్లల తమ యొక్క చదువు పట్ల ఎక్కువ శ్రద్ధ చూపించాలని సూచించారు. ఏమైనా సమస్యలు ఉన్నాయా అని అడిగి తగిన సూచనలు చేశారు.నాబార్డ్ వారి ఆధ్వర్యంలో జరిగే నిర్మాణ పనులను తనిఖీ చేసి ఎప్పటి వరకు పూర్తయితుందని అడిగి తెలుసుకున్నారు. సెలవులో పిల్లల యొక్క భద్రతలను గూర్చి తగిన సలహాలు ఇచ్చారు.మరొక వారం రోజుల్లో తిరిగి పాఠశాలను సందర్శిస్తాను అని చెప్పడం జరిగింది. కలెక్టర్ ఎంబడి అడ్డగూడూరు ఎంఆర్ఓ శేషగిరిరావు, పాఠశాల ప్రిన్సిపాల్, యాజమాన్యం ఉన్నారు.