పిల్లలమర్రిలో ఘనంగా రథ సప్తమి వేడుకలు 

పిల్లలమర్రి:- సూర్యాపేట మున్సిపాలిటీ పరిధిలోని పిల్లలమర్రి శ్రీ చెన్నకేశవ స్వామి దేవాలయంలో శుక్రవారం రథ సప్తమి వేడుకలు ఘనంగా జరిగాయి.విశేష పర్వదినం సందర్భంగా ఆలయంలో ప్రధాన అర్చకులు డాక్టర్ ముడుంభై రఘువరన్ ఆచార్యులు స్వామి అమ్మవార్లకు ప్రత్యేక అలంకరణ చేసి నిత్య కైంకర్యం సేవలు ఆదిత్య హృదయం పారాయణం అష్టోత్తరం చేసి పాయసం నైవేద్యం సమర్పించారు.ప్రత్యక్ష దైవం సూర్య నారాయణ స్వామిని దర్శించుకుని భక్తులు పరవసించరు. ఈ కార్యక్రమంలో ఆలయ కమిటీ చైర్మన్ డాక్టర్ రాజబాబు రెడ్డి, ఆలయ కమిటీ సభ్యులు, భక్తులు అంకం బిక్షం గవ్వ జానకి రెడ్డి మహిళ భక్తులు ముడుంభై సారిక, గవ్వ విజయలక్ష్మి, ఐలమ్మ, సైదమ్మ, తదితరులు పాల్గొన్నారు.