కోదాడ నియోజకవర్గ ఫాదర్స్ ఫెలోషిప్ అధ్యక్షుడిగా బిషప్ సుదర్శన్

మునగాల జులై 12 2024 తెలంగాణ వార్తా ప్రతినిధి;- కోదాడ నియోజకవర్గ పాస్టర్స్ ఫెలోషిప్ నూతన కమిటీ అధ్యక్షులుగా మునగాల గ్రామానికి చెందిన బిషప్ డాక్టర్ జె. సుదర్శనం ఏకగ్రీవంగా ఎన్నికైనట్లు సూర్యాపేట జిల్లా పాస్టర్స్ ఫెలోషిప్ ఎలక్షన్ బోర్డు చైర్మన్ సాయిని జాకబ్ తెలిపారు. కోదాడ నియోజకవర్గ పాస్టర్స్ ఫెలోషిప్ గత కమిటీ కాలపరిమితి ముగియడంతో పాస్టర్స్ ఫెలోషిప్ జిల్లా అధ్యక్షుడు కె. శ్రావణ్ కుమార్ ఆధ్వర్యంలో శుక్రవారం ఈ నూతన కమిటీ ఎన్నికను కోదాడ పట్టణంలోని బేతేలు గాస్పెల్ చర్చిలో నిర్వహించారు. కోదాడ నియోజకవర్గ పాస్టర్స్ ఫెలోషిప్ వర్కింగ్ ప్రెసిడెంట్ గా కె. జోసెఫ్, ప్రధాన కార్యదర్శిగా రూఫస్ నాయక్, ఉపాధ్యక్షులుగా రామారావు, షేక్ కోర్నెలి, జాయింట్ సెక్రటరీ బి. గాబ్రియేలు, ట్రెజరర్ పరంజ్యోతి, చీఫ్ కోఆర్డినేటర్ ఆర్. జోసెఫ్ రాజు, ఆర్గనైజర్ యేసుపాదం, గౌరవ సలహాదారులు ఆర్. ప్రకాష్, కోఆర్డినేటర్ జె. సామ్యేలు, ఎగ్జిక్యూటివ్ మెంబర్లుగా సంతోష్ పాల్, జాషువారాజు, వినోద్, జాన్ మహేందర్, డేవిడ్ సన్ లు ఏకగ్రీవంగా ఎన్నికయ్యారు. ఈ సందర్భంగా నూతన అధ్యక్షుడు బిషప్ డాక్టర్ జె సుదర్శనం మాట్లాడుతూ, నియోజకవర్గంలోని పాస్టర్ల సంక్షేమం కొరకు ప్రయత్నిస్తానని హామి ఇచ్చారు. ఈ కార్యక్రమంలో జిల్లా, నియోజకవర్గ, అన్ని మండలాల పాస్టర్లు పాల్గొన్నారు.