డబుల్ బెడ్ రూమ్ ఇండ్లను పరిశీలించిన జిల్లా కలెక్టర్
జోగులాంబ గద్వాల 5 అక్టోబర్ 2024 తెలంగాణ వార్త ప్రతినిధి:- గద్వాల: శనివారం దౌదర్‌పల్లి (7వ వార్డు) సమీపంలో నిర్మిస్తున్న రెండు పడక గదుల ఇండ్లను జిల్లా కలెక్టర్ క్షేత్ర స్థాయిలో పరిశీలించి, పనుల పురోగతిపై వివరాలు అడిగి తెలుసుకున్నారు. ఈ సందర్భంగా జిల్లా కలెక్టర్ మాట్లాడుతూ అన్ని రకాల సదుపాయాలతో సకాలంలో ఇళ్ల నిర్మాణం పూర్తి చేయాలని అధికారులను ఆదేశించారు. పెండింగ్ లో ఉన్న నీటి సరఫరా, విద్యుత్ కనెక్షన్లు, డ్రైనేజ్ వ్యవస్థ, సెప్టిక్ ట్యాంక్ , పరిసరాల సుందరీ కరణ వంటి మౌలిక వసతులు అన్ని పూర్తి చేయాలని సంబంధిత అధికారులకు ఆదేశించారు.
ఈ కార్యక్రమంలో అదనపు కలెక్టర్ లక్ష్మీనారాయణ, ఎలక్ట్రిసిటీ డిఇ లక్ష్మీనాయక్, పంచాయతీరాజ్ ఈ.ఈ దామోదర్ రావు, పంచాయత్ రాజ్ డి.ఈ. లక్ష్మన్న, ఇరిగేషన్ ఈఈ గ్రిడ్ శ్రీధర్ రెడ్డి, గద్వాల తహసీల్దార్ మల్లికార్జున్ సంబంధిత అధికారులు, తదితరులు పాల్గొన్నారు.
