అదుపు తప్పిన బొలోరో వాహనం.  

జోగులాంబ గద్వాల జిల్లా, అలంపూర్ నియోజకవర్గం, ఐజ మండల పరిధిలోని ఉత్తనూరు గ్రామ సమీపంలో.. రాయచూరు జిల్లా, ఇడుపునూరు మండలం, మీర్జాపూర్ గ్రామానికి చెందిన బొలెరో వాహనం స్టీరింగ్ విరిగిపోవడంతో వాహనం అదుపు తప్పి ఇద్దరు దుర్మరణం చెందగా పలువురికి గాయాలు అయ్యాయి. వివరాల్లోకి వెళ్లగా.. కర్నూలు జిల్లా, బేతంచర్ల శ్రీరంగాపురం మద్దటి స్వామి దర్శనానికి వెళుతుండగా ఈ ప్రమాదం చోటు చేసుకుంది. ఉప్పరి నాగప్ప , 8 ఏళ్ల చిన్నారి మనోజ్ లు కర్నూలు ప్రభుత్వ ఆసుపత్రికి తరలిస్తుండగా మార్గమధ్యంలో మరణించగా, స్వల్ప గాయాలు అయిన వారిని ఐజ పట్టణంలో సన్ రైజ్ హాస్పిటల్ లో చికిత్స నిమిత్తం తరలించారు.